香港新身份證 - 老共要拿全世界人口最updated資料...

老共要拿全世界人口最updated資料，有多少要多少，並且派人四處影相放入天眼系統，連教會崇拜也有幾個陌生人隔著玻璃門偷拍😢...
https://autumnson-nwo.blogspot.com/2018/07/150.html


【新身份證RFID私隱問題只是煙幕】

新智能身份證即將開始接受換領，好多人都擔心新身份證所應用嘅技術RFID可能造成私隱問題，但其實呢個問題，一個市面好易搵到嘅阻隔RFID嘅銀包就已經解決咗，故我認為RFID私隱問題只係一個引導大家向錯誤擔憂方向嘅煙幕，大家見呢個問題解決到就會乖乖去換身份證。

換新身份證，其實有一個更根本性嘅問題，就係入境處會重新收集我哋嘅指紋、高清容貌等生物數據。

可能會有人話十年前換智能身份證果陣，入境處都已經收集咗我哋嘅指紋同容貌數據，但今時已經唔同往日。十年前嘅港共仍然算係會按章工作，受私隱條例監管底下，指紋數據同容貌資料等生物數據未經當事人同意，係唔可以隨意留底，故我相信當年呢啲數據只係存於身份證晶片內。

如果你有留意政府嘅各部門運作細節，你會發現入境處果部要另外登記嘅「快速e道」（即係唔洗插卡，只係放係部機上面果隻），登記果時，佢要你同意佢儲存你嘅指紋數據以便日後過e道唔需要花時間去解密晶片中嘅數據。仲有警察好多時係犯案現場搵到指紋都好，都只有指紋擁有人曾經被警察開過Case，先可以被追查到。

以上兩個細節都顯示十年前港共並無儲存全港市民嘅指紋數據。

十年前嘅港共，係處於相對弱勢，亦無意企硬，幾十萬人就可以迫退廿三條立法，當年嘅港共係害怕群眾嘅，而且亦無意嚴密監控當年仲係大中華膠底嘅香港人。

但今日嘅港共，係處於強勢，而且唔會按章工作。經過雨革一役，佢哋已經唔再害怕香港人，加埋香港分離主義興起，港共用盡方法嚴密監控同打壓分離份子，故換領新身份證時所提交嘅數據，極有可能會被港共留底。

https://m.facebook.com/story.php?story_fbid=1142361305920761&id=587766424713588