*我曾經因為餵流浪貓而被人打,屬刑事案件,眼鏡也被打爛了和要求驗傷,報警後情況和他所説差不多,最後不了了之😢
辭左職之後終於無晒包袱，堂堂正正做返隻自由閪
我要喚醒所有對香港警察仲存在一絲希望既人，希望你地唔好再對警察抱有任何期望，警察部入面既風氣已經歪曲晒，佢地唔會再係保護香港市民既部隊。依班根本係一班好吃懶做既人。平時行咇8個鐘有7個鐘呢係差館蛇竇就係人都知唔多講，即使有call接，佢地第一時間唔係諗點樣解決問題，而係諗點樣可以令佢做少啲野。假設接到單assault case, 佢地唔係第一時間諗點樣拉人，反而係會諗辦法嚇到個受害人唔追究，同你講驗傷要等幾耐幾耐，對方如果話返你打佢就要拉晒返差館再慢慢查，查完都未必夠證據告得入等等，總之會用盡一切方法令你唔想再追究，咁佢就可以同電台講現場剩係口角，無人動武，然後係佢本閪簿簽名等你無得反口，最後一單assault就會變成dispute，唔洗開file。 你好有正義感想開file拉人？sorry唔得因為單野唔係你一個人做，你咁樣會阻住其他人收工。
成個警案部既風氣就係咁敗壞，連登仔成日笑佢地毅進仔其實無錯，一班書都讀唔掂既人，邊會有獨立思考能力，結果咪人地講咩佢跟住做，久而久知咪習慣左依種態度。（唔係講笑，有啲老屎忽仲J緊以前個年代點樣出去食飯比十蚊人地找返廿蚊，仲要覺得自己好威。）
但係最諷刺係依班毅進仔唔知點解會有一種莫名奇妙既優越感，覺得自己高人一等，當正除左佢地之外既市民都係白痴咁款。每逢有人報警求助，都會比佢地係背後屌小小事都要報警，浪費警力，阻住佢地打機訓教。所以點解佢地平時返工就偷懶，一落場打示威者就上晒身，因為係佢地眼中每一個都係賤民。
我自細就立志做警察，雖然講出黎好老土但係我真係為左儆惡懲奸同埋幫助香港市民，因為我好享受幫到人既果種滿足感。所以我讀U既時候已經做左輔警，順便當係我將來畢業考PI/其他紀律部隊既踏腳石,但係做落先發現依家既警察根本唔撚對路，完全違背我既初衷。我由14年雨革已經開始動搖，果期完全唔敢同身邊既同學講我係輔警，因為我仲識羞恥，驚比人排斥。直到612當日，我企左係抗爭者既一方，親眼見到班警察點樣毒打手無寸鐵既示威者，果日既畫面真係好震撼，我好心痛點解當初自己憧憬既部隊會變成咁，好懊惱自己無能力保護好當日既義士。依段時間我每日都出左金鐘，舉牌又好鬧警察又好唱聖詩又好，雖然無咩意義但起碼可以令我個心舒服啲。
我預左辭左職將來好難入返政府其他部門，可能一世會庸庸碌碌做牛工，但對比起成個香港既將來犧牲少少算得啲咩。我唔係想拎光環，你地可以繼續鬧我係狗，我只係想依一刻做返件正確既事。既然政府包庇依班黑警，我地就用另一種方式制裁佢地，將黑警既惡行盡一切方法向全香港，甚至全世界披露，要引起更多既迴響，如果唔係佢地只會變本加厲，我地抗爭者只會更加危險。我自己幾鍾意最近好多議員做緊既街頭播片，簡單啲既可以將啲片send比你所有既親朋好友。
有咩問題隨便問，我答到既都會盡答，最緊要幫到大家睇清楚警察既真面目。
保護市民既責任我依然會做，各位義士，621見
我知道警隊入面一定仲有好少數認同我既人，你曾經可能唔敢出聲，但係而家成個社會既風向已經唔同左，我已經踏出左第一步，希望你都可以跟隨我既步伐！
- 分享自 LIHKG 討論區
https://lih.kg/1244074
沒有留言:
發佈留言