開得槍，殺得一單，以後一定幾何級數咁上

(投稿)
開得槍，殺得一單，以後一定幾何級數咁上。

情緒面，69前，警察已經對抗爭者有仇恨情緒。呢樣早就係警察內部文化，自己爬文、睇返嗰陣警嘅私下言論就知。只係部分抗爭者、和解者，仲係想爭取佢地過來（記唔記得文宣有一排好想拉攏警察親屬？），有意無意忽視晒呢啲仇恨跡象。

而且當時警隊內部叫做有丁點制約，例如記者、議員、急救員、教堂、機場、住宅區、老人、女人、街坊、小孩、親屬曾經都叫做有少少安全，可以不同程度免疫，而家都放開晒。

理性面，為左保護第一槍同袍，全人接連開槍，係理性選擇。朱sir同七警係衰喺孤例，被針對。如果個個都開槍，就算經常打殘打死人，市民要追究目標太多，你有本事就告晒全支警隊。開槍同袍就算罪孽深重，平均計，都比只打一棍嘅朱sir、閃縮嘅七警安全。呀，仲未計唔show冧巴、亂棍私刑、打後腦、屈斷手、跪頸、還眼、太子站、元朗站、強姦、被自殺、株連親屬呢？

仲未計佢地嘅如意算盤係，終有一日打到、殺到香港人怕左，佢哋就做止暴平亂功臣，你口中嘅罪孽，cash out成為立功籌碼，可以踩喺所有香港人頭頂。何樂不為？

想保護香港僅有嘅文明，而家就要即刻全力打擊警隊。而唔係幫警察開脫動機，或者拗今日只係個別警員、個別事件，到下星期爆多幾隻眼，穿多幾個肺，多幾單永久傷殘、死亡（軍警特務順便滅埋家屬聲係常識吧），先無奈發現，原來黑警真係咁黑。唔係我寫呢篇文做乜？

冇人想香港有一班咁嘅警察，我同你都唔想。但不能因為情緒上接受唔到，見唔慣香港極速墮落，就花時間FC，俾機會、時間警察，去「睇清楚」香港係咪真係咁。再出重傷，人命，以上嘅人，全部都有責任。

https://m.facebook.com/story.php?story_fbid=519462262175736&id=474409090014387