小心政府鬼祟偷取身分證換領者嘅語音識別頻譜

一年前的帖中已講過,AI用10秒就可以100%抄你的聲音。還記得太子站向外國記者哭訴現已失蹤的女士嗎?後來出的片雖是她講話,但有人覺得她的聲音古怪;那便是AI的聲音了,因為AI不懂起承轉合來表達情緖,另外,它們吐出的字與字之間的interval是固定的,很機械化,細聽才會聽到。

所以不要和電話中的陌生人對話太久(最好不或用假聲),如果佢有你身邊人的資料,他們就可以用你的聲音向你身邊人行騙。

至於攞新身份證,則記著用曾志偉把聲讀自己個名。

======
葛根湯:

係技術層面上係絕對可能，我亦相信呢個港共政府會咁做！

大家要小心！

=======
小心政府鬼祟偷取身分證換領者嘅語音識別頻譜

之前香港警察已經試過要大家拎住張身分證，對住佢地嘅鏡頭，大聲讀出自己個名，畀佢地做記錄，依家政府可能借換領身分證做去拎大家嘅聲音記錄，下面係同朋友今日食飯得知嘅親身經歷同佢嘅解決方法

佢屋企人個身分證換領限期下個禮拜到，所以要換。佢屋企人都有少少年紀，而佢屋企人工作地方好近入境處，所以最初係放 lunch 親自走去預約，但入境處職員話一定要網上或者電話先可以預約,所以佢屋企人叫佢幫手預約

佢本來諗住上網預約，但個 page load 成世都 load 唔出來，(而且我地食飯個陣再試吓上政府個網，真係 load 幾億年都無反應)，所以最後佢就打個預約熱線電話

最初同一般嘅電話系統一樣，要大家撳1撳2不停撳，但同一時間，個系統會話佢地有語音識別功能，而且啲語音資料會有機會提供畀其他政府部門，而且強調一切提供嘅資料都係#drum#pig「自願」#drum#pig但去到後尾，個電話系統要佢讀出身份證號碼，無話可以輸入個號碼 (而且佢係我面前，用手機開speaker打多次個預約電話都真係咁)

所以一般人如果唔小心，就會唔為意咁用口讀出自己嘅身份證號碼，而個過程入面，政府就會係你「自願」嘅情況下，攞咗你嘅聲音頻譜，將來就可以用聲音識別你嘅身份，尤其如果曾經叫過口號嘅大家就要小心

我朋友嘅解決方法係，佢 cut 咗個電話，打多次，但選擇用普通話，同時另外再開電腦，將電話放係電腦個喇叭旁邊，用 google translate 用普通話讀出個身份證號碼，咁就可以避開用人聲

希望喺到同大家分享朋友嘅經歷同解決方法，如果大家仲有其他方法避開用真人把聲，或者點樣 load 到政府網上預約個 page ，希望大家都可以分享出來，畀大家多一個方法

https://lih.kg/1702033
- 分享自 LIHKG 討論區