講個唔算係秘密嘅行內消息同大家分享下。早幾年，某美資大行打算喺亞洲大力發展某項生意，喺倫敦調咗個明星級高層嚟香港，請咗幾十人，打算大展拳腳。公司俾呢位高層嘅 housing 喺山頂獨立屋，剩係月租都 60 萬。
結果呢，呢位高層喺一年內兩次畀鄰國專才入屋行劫，其中一次仲夾咗佢老婆出去撳提款機攞錢。 後尾兩年合約一到，高層雞咁腳咁走返去倫敦，當初大鑼大鼓請返嚟嘅人炒咗唔少。
想講嘅係，對於呢啲最上層嘅金融才俊嚟講，過去幾個月嘅衝突好大程度上只係電視上嘅新聞，反正佢哋平日出入嘅範圍都離唔開山頂同南區，衝突其實燒唔到佢哋。今日中午喺中環無厘頭咁放催淚彈，令佢哋兜口兜面咁食飽曬，佢哋感到殺到埋身，唔到佢哋唔認真諗諗香港仲係咪適合生活。
催淚彈毒性好強，根本唔適合喺住宅同商業區放，之前幾個月已經講到口都臭。食飯時間喺中環亂咁放，更加係十級白痴嘅自殺式行為。其實呢，啲人快閃遊行咪由得佢囉，中環係和理非嘅地頭，之前已經試過好多次，佢哋行完就散，對社會造成嘅影響遠遠低過你放催淚彈。到底係邊個天才指揮官決定放催淚彈？麻煩搵人捉佢去照下個腦。
警隊失控，老早已經唔係個別例子，林鄭繼續縱容呢班又唔讀書、又唔做嘢嘅黑警到處作惡，最終必然會害死香港。
註：相唔係我影，唔記得邊度偷返嚟
註2：多得有人提，Photo Credit : AP/達志影像
https://m.facebook.com/story.php?story_fbid=10156731219788947&id=503213946
喺中環商業區催淚彈放題, 市民爭相走避.
究竟係乜嘢正在摧毁香港?
https://www.facebook.com/1474101479504603/posts/2437423843172357/
【採訪後記】當中環都信奉攬炒時⋯⋯
從來無想過在畢打街食lunch，演變成食TG放題，見證著中環OL恤衫友鬼佬齊上齊落，我開始信香港有希望。
中午十二時，環球橋上聚滿市民，不多不少受西灣河槍擊事件影響，無心情幫襯雙11購物節，只能落商場指罵動物。只須出動「殺人犯強姦犯」六字真言，已召喚防暴出場，721 又唔見你咁快到。
防暴在橋上驅散市民，咪以為中區執勤紀律高水平一點，放諸全港皆准，只須用顏色形容一個職業，或作為納稅人批評公僕質素參差，足以引發以下畫面（睇片），三五個防暴因為恤衫哥一句說話，追入來Charter House 想捉人，真心想影下你無理拘捕一位行使言論自由，穿皮鞋西裝中環返工stakeholder的畫面。防暴隻手明明掂到恤衫哥件白色恤衫，最後並非防暴良心發現自己濫捕，而是指揮官追入來話「出返去！」，有市民即大叫「係咪呢度嘅嘢你買唔起啊？出返去啦！」，這句說話彰顯中環價值，亦提醒下警察中環貢獻香港GDP佔幾多百份比。
落到畢打街地面，這個象徵香港繁榮穩定的十字路口，被二十個防暴佔據，無人堵路，只有幾百人舉高手，老外和OL就舉手機，口號聲此起彼落，防暴敵不過民意，唯有發射手上催淚彈，令人震驚的是，OL們手袋配備洗眼的鹽水，面對催煙毫不驚慌，不消一會又再在畢打道重新聚集。
另一邊的遮打道，兩名老外站在防暴不遠處，只有50米，短裙OL提醒記者「佢地搵人嚟瞄㗎！」，我倆躲在花槽，我看見她穿的是roger vivier而不是特首愛牌ferragamo，她毫無懼色，手上的iphone 直播繼續，the show must go on....隨著中環數鳴槍聲，下午開市應聲下跌。
當攬炒由喪心病狂的克警自我實現，當催淚煙直射遮打道終審法院催逼法官走埋上街，當中環儷人手袋配備抗爭三寶，光復香港，指日可待。
地點：中環
日期：2019-11-11
圖、文：OKJ／白夜媒體
#白夜媒體
#攬炒的自我實現

https://m.facebook.com/story.php?story_fbid=150508199649731&id=105964130770805
1 則留言:
東林黨賣大明比滿洲人
崇禎未來要去煤山上吊
發佈留言