【接放學筆記】

【手動傳】

【接放學筆記】

四周包炒，放學人潮準備行水塘行郊野公園逃難，最後行左上山上面富人聚居既地方，司機慢駛，樣子要從容，打扮要輕鬆，唔駛著指定顏色，司機需要一位導航員（熟悉前面運作、女仔較佳，一定不可以是TG handicap) ，導航員要沿路落車問人地點，撈人上車，逃生時放學位置不斷移動，要熟人帶路。

車上要放水、少量食物，利賓納、energyGel，放學唔准再飲monster 因為腎上腺素高，返到屋企訓唔到覺，去到安全區域先好關心同傾計，對方需要時間觀察你地是否可信，唔好問蠢問題，唔好問做過咩幾多歲邊度讀書，因為小朋友聽到會跳車，所以你都唔好lock車門，除非你見到唔對路。（唔對路的環境需要法律知識同執生技巧，遲啲另文詳述）

車程可以好長，要聽乘客講佢地想去邊，唔好一個老seafood咁話不如我丟低你去藍田你自己搭乜乜乜去邊，你不如唔好出來。重申：聽後面講！「你想去邊我都會車你去」，隨時轉地點都得，記住打爆油缸，你永遠唔知道車程可以係地圖東南西北四角，試過食出一鋪大四喜。

可以問一句：你地邊個最需要早d返屋企？佢地會講，又或者你主動建議路線，畀佢地知道嗱我地先入屯門放低兩個，再行咩咩公路去天水圍，最後出返沙田因為車手住沙田，但佢地會信息反饋，天水圍好危險要最後一站先落。佢地知道自己身處何方，係對佢地來講感覺最安全。

大家（乘客之間）通常互不認識，講下低能野，架車可以放下肥媽金曲或者國歌，聽歌唔犯法，但可以心連心。八卦同關心，係要去到安全地帶心窗先會打開既，唔使吹噓自己係邊個做咩職業，互信係無形。

升級版：可以就在終點時講，附近有無好味的野食，然後話未食飯不如一齊，一般都係六七個鐘甚至成日無食過野，同台食飯就能夠培養出核裂都唔割的同行陪伴，價值同帶人返教會信主差不多，你已救人一命 勝造七級浮屠。善哉善哉。

大家是愈來愈需要出車做司機，攰？ 打左一百天，一樣野都無改變到，你覺得我地能夠捱到十月？淘大北角樂華邨發生既事，會係偶然去唔到你屋企樓下？反攻戰全面展開，大家落手落腳救人，車上準備適當儀器例如地拖棍，抹窗棍。

你攰？ 去日本旅行，岩了，去outlet入少少背包、行山用品做禮物啦，問下我取購物清單，鐘意買野買岩用既野。我攰，行左成日好L攰，但我無攰既理由，人地放學仲要返去學功課，屋企深藍絕水絕糧既壓力你夠膽話攰？入八達通係$10 $10 咁入

一個背包裝住既係功課同Gear，打完可以做功課，今晚返唔到屋企，就唔使再做功課了。

有咩理由你可以唔車人返屋企？是患難嗎？是刀劍嗎？係你唔夠佢地愛呢個地方愛得咁徹底。佢地係無BNO 亦唔識彭定康，唔該醒一醒，夠鐘再升級4.0。

。完。
https://www.facebook.com/1190837527749015/posts/1432366733596092/