【光復區會●太子】迎接光輝歲月 逆權律師桐叔：一定不負所託
14小時前
即時要聞
九龍城的「太子」區對上一次有競爭區選已是2011年，民主派以604票慘敗於1,500票的建制派，2015年建制派更自動當選。今屆民主黨曾擬派出大律師吳思諾出征，但她最終放棄披甲，民主黨改派上屆在九龍東黃大仙區敗選的黃國桐轉區空降。
黃國桐是民主派老將，1988年已當選油尖區議會議員，之後出選市政局再下一城，更成為雙料議員，他曾說過在太子區很難做地區服務，更難是接觸選民，因此區多中產，多數由司機駕車接送出入，亦有不少中港車，但反修例下的選戰，「佢哋會突然同我講：『我哋支持你』，好多坐喺後面老闆位嗰啲，望住我點頭微笑」，又指不少年長選民投票日向他說：「呢區係建制，但我一定會落嚟撐你」。最終黃以2,512票，較對手丁健華多293票勝選。
黃國桐的宣傳口號是「讓香港回復光輝」，大抵是70歲的他希望香港重迎昔日的美好時光，謝票時他寫上「感謝良知的選擇 香港人加油」：「（選舉結果）令人覺得香港仲有好多希望，香港人仲係好關心，喺適當嘅時候行出嚟。有啲年紀大嘅人拖住個孫，話專登今次嚟投票，唔係因為我而投票，講完呢一句，然後好淡然咁離開。」
富貴選區、空降、缺乏地區政績，無不成為參選絆腳石，黃國桐起初擔心染紅20年的社區，應該從何入手？他稱當初空降參選不是想着贏，而是想填滿白區、勿讓建制派抽調多餘人手到別區拉票，起牽制之用。
沒丁點地區政績，他喊的也是尚未能實踐的承諾，時代革命巨浪卻捲回很多已移居海外的太子選民：「有一對中年夫婦，話畀我聽佢哋從來都唔投票，今次係從美國趕返嚟投；一對姊妹同我講，佢哋係專登喺英國返嚟投票，其他喺新加坡、澳洲返嚟亦都係好多，有個菲律賓姐姐同我講，話佢波士想同我講，佢搭緊車返嚟投票，叫我放心。點點滴滴，你會好感受良多。」
黃國桐憶述選舉當日上午，有已投票的選民稱從未試過投票要等一個多小時，至中午更尚有百多二百人排隊投票；當日近黃昏時則有幾架大車抵步，料是建制派員「睇場」重整隊形，「去到投票率破咗6成、7成，我都會諗，應該有啲票係我，但真係唔知。」
被網民尊稱為「桐叔」的他，是選前於Telegram多個群組獲動員支持的少數民主派候選人之一，因為擔任義務律師的他，過去專門幫助抗爭者保釋、上庭，包括還在獄中的梁天琦。那雙脫皮的黑皮鞋像是記載黃國桐連月穿梭警署、法庭、律師樓和太子道西的奔波歲月，他指過去數月協助的被捕抗爭者多達四、五百個：「通常要去差館保釋都係深夜，要等好耐，之後喺車上瞓一陣，之後朝早就落區開早站。」
被問及選票是否回報？黃國桐稱：「唔知係咪，但大家係交心。」選前競選團隊只有兩個人，一個是他，另一個是助手。但選舉日區內、外的義工「全部歸位」，彼此沒有說多餘的話，一到場便各自分工派單張、舉牌、搖紙板，黃形容這是一場感性選舉：「我哋啲團隊係唔需要我哋買水、買飯，佢哋自己帶埋水、飯盒、三文治嚟，早更6點幾已有人企喺度幫我，其他區嚟嘅都係學生，當日下午12點幾到傍晚時分，好多年輕人，有啲本區（居民）就做埋家務，傍晚接更。」
黃國桐訪問中不下數次以「託付」形容支持他的選票，所以未來4年要不負所託，爭取社會公義之時，也會兼顧地區事務，強調：「如果有咩衝突，我一定係捨棄我法律嘅工作，專注地區工作，因為呢個承諾唔係對一個客或者兩個客，我係面向2,000幾個託付我嘅人，呢個承諾係無可能背棄。」
https://hk.news.appledaily.com/local/realtime/article/20191204/60338929
沒有留言:
發佈留言