搜尋此網誌

2019年7月15日星期一

獸醫姐姐: 《困獸鬥》

獸醫姐姐:
《困獸鬥》

今日同大家講解下我哋平時係點樣去restraint , 捕捉或者處理一啲野生嘅貓貓。
當我地喺診所要處理一隻啱啱比義工捉到嘅野貓或者街貓,其實同平時嘅貓貓一樣,我哋獸醫診所啲診症房門全部要鎖上,即係所有出入口都要封晒,以免貓貓有機會喺其他同事進入診症房時意外逃脫。咁另外亦都係好肯定隻貓貓冇機會跳上個天花,因為一上咗假天花,就好難捉架啦。總之唔可以比幾佢爬到上去啦。
除此之外,我哋都有一啲比較厚嘅手套去扶住或者捉住一啲惡小小嘅貓。咁當然其實貓係一種遇強越強嘅動物,強烈建議大家以靜制動。你越係好大力捉住佢,佢就會越癲。更加唔應該用手指插眼,又或者企圖恐嚇或者打隻貓,因為當佢受到傷害,佢就會作出反抗。呢個係一個本能嘅反應,有時佢哋會用盡全力出爪,又或者狠狠地咬你隻手指一大啖,令到你會有cat bite abscess/fever, 如果咬得好凶狠,咬住唔放,咁就大件事啦,要即刻去睇醫生。如果唔想斷手指,記住溫柔啲對啲小動物。咁其實對所有小動物係應該呵護,而且講說話應該盡量細聲動作亦都要比較溫柔,有一個安靜嘅環境去進行全身檢查。
咁至於野外嘅貓貓係點樣捕捉呢?
咁我哋呢就會「圍剿」佢,即係咩意思呢?就係先要諗辦法引佢入室內。將啲又香又美味嘅罐頭擺喺室內。引隻貓仔入咗室內之後,我哋再諗辦法將佢引入去個籠入邊。為免影響其他貓貓,咁當然室內要將其他貓貓移走,以免殃及池魚。用同樣方法,將啲嘢食放係個籠度,吸引佢哋入去個籠入面。呢件事要非常有耐性。同埋當貓仔入到籠入面,我哋係絕對唔會對佢拳打腳踢啦,頂多就係餓佢一晚,第二朝打支鎮靜劑好好檢查,然後做絕育。
呢啲就係我哋平時捕捉野生貓攞去做絕育嘅方法啦。
大家有冇唔明啊?

https://www.facebook.com/335426403222304/posts/2178430638921862/



沒有留言: