【抗爭都要食飯】渣哥請「正義年輕人」食腸粉套餐 麵匠風龍：誠邀手足拉麵試食
立場報道
2019/7/30
抗爭運動持續，近日有網民關注不少仍然是學生的前線抗爭者，寧願用錢買裝備，亦無錢買飯食。有食店向抗爭者提供免費食物，包括請食腸粉套餐、拉麵試食等。有人提倡派發各區都有分店的快餐店券、餅卡。
曾貼出「反送中」標語的麵匠風龍昨日在facebook提到，有客人提出希望買飯票，給予年輕的遊行人士，麵匠風龍指婉拒客人的好意，「這事情應該由我們來分擔」。風龍今日發帖，指誠邀充滿愛心及食無定時的手足「拉麵試食」。
前港姐譚小環與丈夫蔡強榮創辦的魚蛋店「渣哥一九九六」在 facebook 提出，每天由早上10時至晚上9時，向「正義年輕人」免費請食腸粉套餐，「凡正義的年青人（目測似就得勒）光臨渣哥任何一間分店，用黃色Memo紙寫著 『我愛香港』（店面有紙，筆提供）交給店員，就等於1張免費食券，渣哥就會免費請你食1個腸粉套餐，每人每次可以最多2份。**本店保留任何最終決定權。」
沙田區民主派區議員麥潤培在社交平台透露，收到很多馬鞍山街坊捐出食肆禮券、餅卡、超市或連鎖零售店現金券。
「平等分享行動」發起人 Benson Tsang 昨晚在社交平台表示，從已認識、有聯絡的朋友手中，收集到一批餅卡及麥當勞券，會透過「前線老師」（即社工）直接交予前線。
【通告】
【細路，唔好餓壞身體】
【細路，唔好餓壞身體】
https://www.facebook.com/JarGor1996/posts/2381440088600685
https://thestandnews.com/politics/%E6%8A%97%E7%88%AD%E9%83%BD%E8%A6%81%E9%A3%9F%E9%A3%AF-%E6%B8%A3%E5%93%A5%E8%AB%8B-%E6%AD%A3%E7%BE%A9%E5%B9%B4%E8%BC%95%E4%BA%BA-%E9%A3%9F%E8%85%B8%E7%B2%89%E5%A5%97%E9%A4%90-%E9%BA%B5%E5%8C%A0%E9%A2%A8%E9%BE%8D-%E8%AA%A0%E9%82%80%E6%89%8B%E8%B6%B3%E6%8B%89%E9%BA%B5%E8%A9%A6%E9%A3%9F/
你班細路唔准再洗錢買乾糧去發夢!!!!!!!!!
大人出發前去拎多一千幾百蚊唱散做50,20蚊紙
太大張銀紙班細路一定唔好意思拎
同埋買定多啲乾糧
到食飯時間就主動啲問身邊嘅人要唔要
多啲留意有冇細路哥大學生中學生係附近
仲有你地班細路
肚餓冇錢真係要出聲
我地班大人五年前輸左一鑊搞到你地冇得出街玩
冇理由要你地今日餓住同我地一齊行出黎
香港人加油
- 分享自 LIHKG 討論區
https://lih.kg/1382434
［我係小朋友］ 畀人請過食兩次飯 入嚟教你點幫小朋友 唔好再洗版 文長
介紹自己先，我同朋友喺餐廳傾偈發夢事宜，畀對面枱聽到，佢靜靜雞埋咗我張單。另一次係同一個大人手足同路返屋企，咁啱住同一區，又好夜，父母藍絲又唔留飯，就同佢去食宵夜。佢最後堅決要請埋我，講咗句：「你哋無返工都出嚟咯，我有開工嘅咪請埋你囉。」我返到屋企真係喊咗。仲有好多請搭的士，現場送食物等等。以下我講下我作為小朋友，你哋可以點幫，其實唔須要搞眾籌。
送錢篇
好重要，咪再講「我要你哋唔好意思唔拎錢」雖然話錢係最實際，但係我哋係有自尊同骨氣，所以唔好送錢
食物篇
現場：接近六點可以買啲易入口嘅便攜食物，因為前線同後援通常依段時間已經開始準備，唔會得閒食嘢。可以另外買啲即飲寶礦力，因為帶mask又成身裝好容出汗
事後：如果你真係忍唔住眼想強行請，你可以參考我嘅例子，事後主動請人食飯。如果想喺餐廳靜靜雞幫小朋友埋單(固執嘅小朋友無得say no)，建議偷聽嘅對話內容要確實嗰個小朋友真係有出過去發夢先好請，因為我有好多朋友只會講幾下反送中，遊下行打下卡，跟住就無出過，或者無食過催淚彈。佢哋根本唔會有唔夠錢食飯嘅問題。而靜靜雞請食飯已經係對我哋最大嘅支持， 支撐我哋行落去，阿輝，多撚謝！
唔好無拉拉約我哋出嚟食，因為我哋唔知你係唔係鬼。
裝備篇
豬嘴：3m 3200 setA 面罩($8x)
賣曬就買 setB 加個3311K($13x)
依隻已經好OK，我寧願你買多啲依隻，等中後排都可以受惠，都唔好買高階版.除非你識嗰個係滅煙小隊，想買高階版再問我，或者去依到研究。https://lih.kg/1381735
眼罩：請買泳鏡，728啲過期煙真係好烈。泳鏡勿買幼鏡框，撞一撞，眼珠都無。但係又唔好買太大，如果唔係就會帶唔到豬嘴。
依啲物資最好自己帶去前線
送物資，小朋友就唔會無錢開飯，小朋友收曬，仲可以畀哥哥姐姐
冰袖護膝等非緊急用品，依啲都不及豬嘴同眼罩緊要，唔係重點。我寧保住個肺同睇到嘢，唔好畀速龍捉。如果真係想 送/要 冰袖護膝等非緊急用品，入依到，小朋友仲有等自己揀。
［急推］HKTVmall員工助養小朋友計劃正式啟動！
https://lih.kg/1383782
- 分享自 LIHKG 討論區
而其他唔係專for小朋友嘅物資，又想知點送去，可以留意Tg@UnitedHK18，每逢發夢前都會公佈。
最後，其實我哋識儲錢，識慳啲慳啲洗，亦唔想你淨係送畀我哋，比起我哋得到物資，我哋更想你走出嚟一齊企喺後而發夢，以及致力遊說同改變身邊藍絲嘅睇法，除咗出錢，出力都好緊要。咁樣依場革命先會成功。
豬嘴唔好喺淘寶買，上外國網成日鬧中國3m翻版好垃圾
加多一句，如果太夜同太危險，要搭的士，請盡兜埋小朋友！！小朋友住喺香港十幾廿年咋，去旺角就叻。走嗰陣我都係跟啲大人行。零晨巴士又貴，七一啲零晨巴士仲要停曬，無車走。
仲有小朋友唔知父母啲錢點賺返嚟，成日會懶叻跟tg個物資list買嘢。大人們一早補咗倉嘅話，小朋友就會唔知買咩，淨係識食飽飽。
推埋依個！一定要同小朋友搭的士！
- 分享自 LIHKG 討論區
https://lih.kg/dsHCfS
發夢前線撚 求哥哥姐姐提供物資
728副本有好多兄弟姐妹比人拉左,
主因都係因為畜龍小隊衝埋黎打散左再拉人,
而家既前線無能力對抗到畜龍住,
想拉返兄弟返黎都有心無力
希望有哥哥姐姐可以提供強力既電筒比第2,3排既兄弟,
當有突發既情況, 可以直接用強光既電筒一齊射埋去,
令到畜龍小隊既人短暫失明,
比前線既兄弟退去後面
- 分享自 LIHKG 討論區
https://lih.kg/dtjcES
好認真！一班有裝備既哥哥姐姐廢中港女想請教你地
首先，
我地一班朋友自發成立左物資group ,
當中有各行各業
亦包括大量死港女 所以詞彙有咩用得唔啱唔好質疑
我地有朋友係海外訂左大量最高裝備既豬嘴 ( sorry死港女唔識型號 )
想for最前線發夢班細路
其餘亦跟左你地既list去準備，
生理鹽水，冰袖，眼罩，
我地都落左貨，有幾箱準備
電單車頭盔亦準備左十餘個，
各自分散係唔同既據點
除左派發俾身邊既朋友，亦預備大半到時去前線派發
然後，我地聽講有水炮車
咁請問小朋友發夢見到水炮車個陣仲需要咩裝備呢？
第二，
有小朋友需要既話可以到時問我地d哥哥姐姐取
咁請問咩記認會最好？
(千祈唔好怕醜唔拎，我地可以做既得咁多)
你唔需要話俾我哋知你係邊個，你只需要搵我地，我哋就會有裝備俾你，但點既記認先最完美？
(唔好叫我額頭寫住紙，寫住有裝備 )
因為高級裝備真係好難訂好缺貨
唔想被充工或者被濫用，點俾你地最好？
利申：我地預左去最前線塞比佢哋，但想集思廣益，仲有冇其他方法？
- 分享自 LIHKG 討論區
https://lih.kg/1386167
沒有留言:
發佈留言