警黑一家親:「佢哋（部份警員）直頭叫班黑社會做TIER 14…」

警黑一家親:

離職警阿輝更說，警隊內部稱機動部隊為「TIER 1（第一梯隊）」、曾任機動部隊的則為「TIER 2」、而年資較深或初入職的警員則被歸類為「TIER 3」，「佢哋（部份警員）直頭叫班黑社會做TIER 14…」

【抗暴之戰】 恥與為伍7.21促使辭職 良心警：警察係應對付黑社會

2小時前

即時要聞

阿輝坦言，在警隊渾渾噩噩生存了六年，若非反送中一役，或許就一直終老，7.21是促使阿輝離職的主因。「雖然我唔係話好有抱負去做一個警察，但係作為一個警察，係應該對付黑社會」，豈料警隊行為卻與他想像南轅北轍。被問到警隊如何重奪市民的信心？他說：「五大訴求，缺一不可」。

「佢哋直頭叫班黑社會做TIER 14」

7.21當天，阿輝在港島區當值。當日的衝突主要集中在西環，但仍有不少機動部隊同袍在政府總部、警察總部和禮賓府當值，最令他失望的是，「高層都決定唔調派啲咁空閒嘅梯隊過去元朗，係講唔過去！」阿輝透露，部分同事在電視直播中看到白衣人無差別地在西鐵站打人，「佢哋係拍手歡呼，覺得自己唔可以出手打示威者，有黑社會或者圍村人士去幫手教訓示威者，佢哋係覺得開心。」

阿輝更說，警隊內部稱機動部隊為「TIER 1（第一梯隊）」、曾任機動部隊的則為「TIER 2」、而年資較深或初入職的警員則被歸類為「TIER 3」，「佢哋（部份警員）直頭叫班黑社會做TIER 14，因為佢哋（黑社會）某程度係14K，內部有個戲稱叫TIER14。」他直言荒謬至極，記起警隊在六月之前幾個月，聲言要反黑，「喺尖沙嘴大肆打擊黑社會，反黑反咗幾個月，反到搭晒膊頭，有傾有講，係唔合理！」

面對警黑勾當等疑雲，阿輝說高層只以「人手調配有問題」作解釋，「話『所有兵力全部擺晒係港島區』，就係咁樣，你信就信，唔信就算。」他認為，真正的原因就如報道所指，「（高層）好明顯真係放縱，有心畀黑社會或者班白衣人去襲擊示威者」，藉此突顯警隊的重要性；縱使要犧牲無辜市民的安危，亦在所不惜。

「如果結咗婚、有宿舍就好難走」

阿輝在7.21不久後離開警隊。被問到辭職有否被留難，阿輝笑言沒有，上級和同袍均勸他考慮清楚。由於他從沒主動表明「黃絲」立場，若有，「佢哋會恨不得你快啲走，快啲離開仲好啦，好似清除毒瘤咁。他坦言慶幸年紀尚輕，包袱不重，「如果結咗婚、有宿舍就好難走」，所幸辭職決定得到家人、伴侶、朋友的支持。以他所知，部分離職的前警員加入保險行列「做住先」，情願重新建立事業，亦恥與警隊為伍。脫下制服，放棄人工高、福利好的優差，會否覺得可惜？阿輝直言：「唔覺得，唔應該為咗錢去放棄自己個立場」。

惟諷刺的是，阿輝指其實有部分警員，雖自覺是「正義超人」、站在真理一方，仍籌謀離開警隊，「佢哋覺得自己做嘅嘢係正確嘅，佢哋都覺得呢個工作環境唔適合」，只是基於家庭負擔，不能毅然離隊。

https://hk.news.appledaily.com/local/realtime/article/20191227/60413569?utm_campaign=hkad_social_hk.nextmedia&utm_medium=social&utm_source=facebook&utm_content=link_post