風起了，香港人，不要死，不要跪，二次重光反擊戰已經悄然降臨

貼啦， 我就係要話俾青少年聽， 明明大成功，就唔好哭，唔好死， 倦就休息， 怕就去旅行， 要親自領取世人對你的讚頌和獎賞。 
我有空才寫啲，有排未寫完，你隨便share， 香港人唔好跪，打仗要堅強。

風起了，香港人，不要死，不要跪，二次重光反擊戰已經悄然降臨

香港重光抗戰 1日

後生仔，做乜咁沮喪？做乜咁灰心？
係咪太後生經驗未夠，好似考完公開試，
明明份卷答得好好，出到試場，仲覺得自己實fail？ 

小朋友，優秀的青少年，你今次考咗5**啦！ 
仲喴乜呀！ 
做乜要死呀！ 
而家係要諗3大揀邊間，讀醫定讀Law， 
又或者去牛津劍橋定耶魯哈佛，任揀呀。 

做咗單咁勁揪既事， 
表現晒智、仁、勇、義、愛， 
你光宗耀祖啦！ 
你同孫中山一樣，在香港成就了偉大事業， 
改變了香港、中國、亞洲、世界。 
小朋友，你不知道嗎？ 

你們令香港民族有資格同大和、德意志、維京民族平起平坐！ 
有種呀！光榮呀！偉大呀！

我先總結你們創造了的種種成果， 
再講接下來全港市民 (不只你們年輕一代) 一齊可以做的事， 
和不久將來，你們得到的報酬！ 

傻仔！邊有中咗六合彩頭獎走去跳樓架？ 
梗係約個日子去馬會攞獎金啦！ 

成就1 

七一原本諗住去會展搞寸殖民者慶祝入侵22年係咪？ 
順便完成2014年俾G phone條Powerful Face阻住做唔到的事係咪？ 

晨早流流唔夠人，犬又多，做唔成，仲有人流血被捕，冇計。 
咁政總6月30日掛了黑抽氣扇，大家都可以用來打吓飛機時。 

點知你班死靚仔，組成突襲小隊下午搞掂，掛上黑旗，目標完成。 
智勇雙全！

成就2 
你們記唔記得2014年有抗爭者爆咗垃圾會1塊玻璃， 
又篤灰，又拉人，又上庭，又話要賠十勁幾萬。 

你班Hi Hi，光天白日1:30 pm推架爛鬼鐵籠車撞門？ 
咁好天，咁多記者近距離直播，照爆？ 

明知1:30和理非市民都未開波遊行， 
有排都未行到你後面backup你 (更可能是怕事唔敢黎) ，照做? 

撞了幾次，你都知塊玻璃同度門堅挺，都知唔會成功， 
心中有少少怯都好正常，仲唔閃? 
堅定的決心好可怕 (收錢做場戲邊會咁真呀) 

隔住塊透明玻璃，成排黑警又有槍， 
佢開門出來打Seven你又得； 
佢開門捉你入去暴打你又得； 
佢直射玻璃爆你個頭又得。 

雨傘的勇武抗爭理念，你們視死如歸地實踐！ 
乜能野意志呀！

成就3 

撞幾野，班死和理非左膠飯民議員， 
又拉、又跪、又夾中間阻勁住晒， 
竟然有美式足球員抱走個波直接得分！ 

Hi Auntie！ 
你知唔知2014年 
Gphone係金紫荊打交叉； 
長毛阻人衝龍和； 
有日黑警帶槍和子彈盒入政總，特登俾記者映， 
中大港大校長當晚就到政總阻人衝。 

你知唔知當時的抗爭者懷着幾大的屈辱同遺憾停手？ 
你知唔知當時的抗爭者背負了幾多年的沮喪和心情低落？ 
直到2016年魚蛋，義士亦一個一個入獄， 
3年過去，你們完成了當時抗爭者想做而做唔到的事！ 

我看見那畫面同睇到世界杯决賽入波一樣咁興奮！ 
多謝你們解開了好多人的心結。

成就4 

22年，垃圾會通過咗幾多害港議案， 
幾多賣港政策，勾結幾多權貴，引入幾多蝗蟲。 
香港而家千瘡百孔，不民主的垃圾會責任不少。 

仲有人問做乜1/7 入面冇人開會，紅日時爆佢？ 
22年的恩怨邊日爆都得，1/7，1/10 爆就特別有意思咁解。 

班年輕人那來的執念！ 
爆咗7-8粒鍾，愚公移山，爆晒三邊，拆埋廣場金屬條！ 
爽呀！ 
係政府話政總是門常開慨念嘛。 

Hi班和理非， 
唔用電力工具，唔用汽車撞，黑警唔行動，單靠人手搞咗大半日。 
真係有重要議案先開工， 
人地三讀完送中、國歌國旗、填埋大愚、立埋23條， 
黑警收理隊你都未入到去。 

垃圾會公然無視香港人民意， 
你們入去羞辱佢， 
大把港人拍手叫好！

不過下次垃圾會話要claim一億維修， 你班刁民用咗成日，親身驗過用料優質， 就算明知佢食水深， 今次就由佢啦，唔好嘈啦。   

成就5 

夜晚近8點，爆完正門玻璃，隔住度閘， 
睇住Live 你們係都要打開度閘入去，你知唔知係幾能痴線，幾能震憾既事！ 

如果你在現場係唔會明白， 
睇TV Live 係同步看到閘出面班喪屍要入去，而閘入面班武裝部隊已上晒子彈。 
睇戲都冇咁緊張，仲要係live，係真事！ 

我心想，你們首批一入去，一係被打死，一係被射死！ 
我知，第一批倒下，第二批都會冒死向前，直到勝利。 
我當時決定如果有任何一位義士倒下殉國 (HK) ， 
我立刻到現場付死！ 
不論做第100個，第1000個，定第10000個，絕不丟下你們！ 

你們受了咁多年垃圾教育，又冇受過軍訓，運動都唔多做。 
究竟係邊度學識武士道精神？ 
呢啲係神風特攻隊既行為！ 
大無畏呀！ 

香港立國時，全港也要向勇士舉杯！

成就6 

你班廢靑，平時又錯別字，又火星文，又too long to read， 
入到去竟然保護圖書館？唔能係呀？ 

我見旺角啲二手textbook咁新， 
你地考DSE補習到夜晚， 
應該對書本恨之入骨， 
要做秦始皇，焚晒的書…… 

我以為你地你地盤老粗，sorry囉。

成就7 

金融城市生出黎既仔女係有啲金錢觸覺， 
表面上呢幾櫃係普通杯碟字畫， 
實際上係價值連城的寶物。 

唔信？ 
溥儀走佬時，啲公公奴材帶走啲爛銅爛鐵，夠食過世！ 
你班友仔如果打爛咗， 
香港立國時，庫房金管局又俾支那國打劫晒， 
冇番啲寶物拍賣執多少， 
加稅都加能死你！ 

如果你當日打爛咗， 
日後你地仲做到建國英雄？

成就8 

其實我始終都認為你地係做地盤的。 

嗱，工友通常3:15去Tea， 
你班老粗係地盤拆咗成日野， 
走去canteen坐低休息，飲杯野，睇下無線新聞係好正常。 

如果你地係暴民，爆完入去唔殺人放火，姦淫擄掠， 
走去canteen坐低係現場睇cctvb直播現場？ 
咁件事都幾後現代禾… 

仲有，如果你們唔係做地盤，日日揾千幾二千蚊一日， 
點會買罐汽水一百元唔洗找咁豪爽！ 

啲雙失廢青一日食兩餐，一個福麵分兩餐食架。陰公

成就9 

嗱，我都話你老豆老母、教畜由細到大叫你操卷， 
狂操TSA, DSE, mock exam, past paper， 
啲答題技考真係有用！ 

突然遇到條MC題 
以下邊個/邊幾個係賣港賊? 

A, 立法局 xxx 唔知佢乜水，見係立法局，應該唔係，留空 
B, 立法局 黃xx 有啲印象佢係乜水，見係立法局，應該唔係，留空 
C, 垃圾會 犯婦人 成日叫長議員那個八婆，垃圾會，係，塗黑
D, 垃圾會 老鼠成 好似冇做乜黑人憎野，唔肯定，skip 咗先，搬出去 
E, 垃圾會 大口狗 最近睇電視有印象，垃圾會，係，塗黑 

哇哈哈，你睇番事後老鼠成講乜，bingo! 
冇俾條題目最陰濕的部份陰到，full mark! 

我諗全港一半人睇到嘴角微微向上， 
你班友仔，好能頂癮呀！

成就10 

咁多年來，好多運動都叫唔好show英國旗，港英旗。 
雖然我唔反對歸英，但對縮骨的英國人都冇乜期望， 
有些場合我都覺得唔show 出黎會好啲。 

哇，今鋪咁大劑，咁激烈， 
地點咁有象徵意義， 
時間咁敏感 (支那就1/7殖民記念，英國就放棄香港之日兼選緊首相) 
你咁大塊香港旗放係前面讀宣言！ 
仲要全世界各大傳媒Live 直播全球呀！ 

咁夠薑，G20後，全世界面前兜巴升維尼? 
英國人係英國對住TV 的畫面點諗? 

全香港幾百萬港英餘孽真係冇諗過， 
淪陷22年後的1/7竟然親眼睇到呢一幕！ 

係真架！ 
唔係拍戲呀！ 
好感動呀！

成就11 

喂，細路， 
唔好攞拍拖爭男朋友注意既小手段黎 
搞政治禾！ 

香港問題點燃中英爭論 英外交部召見中國大使劉曉明 
https://www.bbc.com/zhongwen/trad/world-48864659 

「中英聯合聲明履行完畢」北京嗆英無權干預 
https://news.ltn.com.tw/news/world/paper/1300276

而家中英無端端公開互片咁點先。 

輕則雙普選、取消功能組別， 
重則一國一制解放軍出街， 
又或香港歸英、自治、立國。 

小朋友 seek attention唔係問題， 
啲廢老諗住2047釘咗唔使理， 
啲廢中諗住2047供完三十年樓，準備供多三十年地皮續租， 
你地咁自我中心既，咁唔孝順架，搞到而家啲長輩瞓唔着了。 
佢地年紀大受唔住咁大刺激嫁。

成就12 

共匪係賊全世界都知， 
同佢講法律、講道理係晒勁氣！ 
撕佢基本法咪撕囉，佢有遵守法律咩？ 

你地又未番工，又未去過鬼國做生意簽合約， 
竟然都知道啲咁深奧既真理? 

我以為只有川普呢啲生意大亨先知， 
支教民同飯民班精英四十年都未明呀！ 

(不過HK立國時都要用住基本法做dummy, blueprint, version1 
去完成香港國第一部憲法，debug 始終好過由0開始)

成就13 

共匪無文化全世界華人都知 
竟然由你班靚仔親自示範點過節慶祝。 

去政總掛黑抽氣扇 
再去會展掛黑抽氣扇 
好事成雙！ 

終於去到殖民者其中一個王座， 
講清講楚係唔能妥你支那國， 
係唔like 你把抽氣扇 
係唔妥你個港共走狗政權呀！ 
做野做全套，有頭有尾。 

個畫面夠清楚未呀！共產黨！Auntie！

成就14 

建國畫面呀！ 
每個國家都要有，凝聚國民團結既畫面呀! 
展現民族尊嚴同勇氣既畫面呀！

真係唔係講笑，絕對同坦克人一樣名留世界史呀！ 
89未達成的， 
64 30年後，香港仔用行動執意爭取， 
綱鐵意志，威武不能屈！ 
出到去全世界，冇人敢睇唔起你。

成就15 

起初你班鄉民入到去， 
一個二個好似啲鴨仔團遊客去歐洲大教堂到此一遊， 
睇TV個畫面好能好笑。 

走入會議廳坐晒係位， 
但又唔知做乜，扮議員開會玩煮飯仔傻的嗎 
畫面又係好能好笑。 

估唔到最後竟然係全世界記者面前直播 
在議會中間讀宣言! 
法蘭西馬克龍、Maple國杜魯多都唔夠你型啦。 

份宣言，講得咁mild，啲要求咁俾微，啱晒港豬口味啦！贏啦！ 

不過估唔到你地咁厚黑， 
爆足全日，支那人、英國人、美國人、台灣人過去70年 
都唔敢咁明目張膽落北京共產黨面，你竟然係1/7做齊晒， 
仲live傳去全球？ 
膽生毛？ 

喂，細路，行動與說話不相稱禾， 
真係要求面個浸咁簡單？ 
真係唔係推翻後清？ 
你唔好扮晒野禾。

成就16 

喂，唔好扮天真單純小朋友禾， 
我聽解放軍將領講，你地香港人成份特別惡劣， 
成日勾結外國勢力。 

你自己特衰搞到一鑊泡係內政，事少； 
你玩爛一國兩制，整彎維尼盤棋，阻人終國懵，事大。 

人地使咗唔知幾多百億人仔染紅臺灣想統一， 
你班人用幾拾蚊買支噴油抵銷晒人地多年努力， 
本小利大禾。 

你係都要寫個幾隻字，等人收買唔到Taiwan青年人選票， 
咁大個陰謀，你唔好話我聽境外勢力俾幾拾蚊你咁少呀， 
收理咗個幾拾億幾時分先， 
你唔預我一份，我去中聯辦告你架！

成就17 

訪問個老豆自白， 
你講到咁，游水落黎香港個班又唔話得你。 
你結咗婚，話你腦筍未生埋，受人煽動又唔似。 
你生咗仔，baby kingdom帶仔女去playgroup嗰班父母又肯定你唔會係鬼。 

喂，咁好難屈你收咗錢禾， 
揾食姐，你出條題目咁難，對家好難度橋抹黑架！

成就18 

你班憤青暴民， 
玩咗成日，反中亂港，人人都係主角，做咗全球焦點， 
11:00左右黑警講明入黎同你打。 

我心諗，死啦， 
我知你班死仔預咗番唔到屋企， 
但睇住你地俾人屠殺，作為香港人，又無理由唔出黎支援。 

但我啲mpf又未轉、 
港元又未換美金， 
樓又未賣， 
金又未買， 
你今晚同黑警浴血，明天肯定停市，我又放唔到股票， 
我仲要自費撘的士去金鍾玩命， 
萬一中埋子彈殉國(HK) ， 
我那晚最後晚餐食快餐咋! 

Hi Auntie， 
後生仔早啲通知人嘛， 
等我去半島食理個自助晚餐先死。 

丫，估唔到你地咁冷靜，趙完鬆? 
嚇得我，心血少啲都冇命。 

夠冷靜！有智慧! 可成大事！

成就19a 

就走就啦， 
點知幾拾人又回頭衝番入去捉埋四個死士走。 
‘一齊黎，一齊走’ 唔能係咁堅呀！ 

你拍雷霆救兵定火影忍者呀！ 
仲要有片，快啲揾人加英文及日文字幕send出世界， 
香港後生仔，時窮節乃現，捨身救同伴呀！ 

友情、正義、義氣，齊晒。 
以後係世界舞台邊有人敢睇你唔起？

成就19b 

一齊黎，一齊走既行動 
明明咁英雄，咁有義氣， 
應該非常雄性熱血。 

但係條片， 
拍既記者又係女，答既英雄又係女， 
仲要兩把聲咁妹妹仔， 
一路走又一路答，一路答又一路喊。 

哇，你拍得咁有張力，你拍得咁煽情， 
男觀眾、女觀眾、御宅、師奶、叔叔你都照顧晒啦！ 

喂，你班女權份子，單野到埋尾高潮位 
你咁樣騎劫個運動， 
你咁樣模糊個焦點， 
為港女塗脂抹粉， 
咁我以後出街點好意思大鬧港女 
平胸飛機場、拜金物質主義、貪威識食、腦裝草? 

女權份子性質極其惡劣！

成就20 

嗱，啲極醜惡黑警呢，EQ咁低就唔明嫁啦 
記Auntie? 

記Auntie鬧得咁爽口? 
唔係一次，唔係個別事件，以前雨傘、魚蛋都成日打記者。 
咁你啲惡行而家咪傳晒去全世界無限loop囉。 

班文靑呢，就當記者係自己人， 
俾防具、俾食物、保護人， 
自然得道多助，善有善報。 

啲義士勇士既豐功偉績， 
要圖片有圖片； 
要video有video； 
要訪問有訪問； 
要文字有文字； 
要sound bite有sound bite； 
不止傳千里， 
仲留芳百世添。 


成就21 

連登仔G20全世界登報使咗幾多錢? 
1-2百萬應該要啦。 

71你搞單咁勁既野， 
每個階段都有精彩緊張情節。 

上晒世界主要傳媒 
頭條、頭版、直播 
唔使俾1元做咗成日宣傳！ 

仲要英國、川普、美國、臺灣、歐盟都出聲 
(小駡大幫忙) 
乜野外交部、PR公司、big four廣告都唔夠你玩啦 

原來你班垃圾大學生， 
年年上莊四圍R贊助真係有啲功夫。

https://forum.hkgolden.com/view.aspx?message=7079734&page=1