手足親筆信：勿因疫情忘公義

2020-04-17

【本報訊】餐廳保護傘位於台北公館的台灣大學附近，是一間名副其實的黃店，餐廳的內部裝修以黃色和黑色作為主調，牆壁繪上反送中運動的場景，將香港的抗爭精神帶到台灣發揚光大。保護傘facebook專頁昨日上載了流亡抗爭者的親筆信，感謝各位同路人，認為同路人和五大訴求一樣都是缺一不可。

「晚晚發噩夢嚇醒」

保護傘facebook專頁昨分享一眾手足的親筆信。署名女勇的香港抗爭者留言：「多謝各位同路人，各位手足、家長、後勤、義務律師，各位喺呢場運動入面都係同五大訴求一樣，缺一不可的。」

她又勸勉一眾同路人，不是因為看見希望而堅持，而是因為堅持才會看見希望，「大家可能做咗好多，付出咗不少都未見有很大嘅成果，不過，只要大家努力堅持，我相信總有一日，大家可以光復到香港。」

有抗爭者勸告港人不要被疫情洗腦：「有種俾香港人遺忘嘅感覺。個個好似俾疫情洗晒腦咁，求吓你哋唔好咁善忘，我哋即使嚟台灣，睇落好似好安全咁，其實晚晚發噩夢嚇醒，睇醫生都睇到窮；香港手足上庭，被自殺etc……百感交雜，有種內疚，有種自責，有種無力感，好想做好多嘢，但好多嘢都做唔到……我想大家可以一齊為自己、為公義而出嚟，絕對唔好淡忘！」

抗爭者孤獨在外，飽受離鄉別井之苦，誤以為他鄉是故鄉，「每一日都覺得邊度好似香港，嗰度好似香港」，並對香港、對家人、對手足充滿歉疚：「我離開我嘅家，背叛咗香港嘅手足、家人，留低你哋自己面對，我面對嘅對比你哋面對嘅輕太多。」他最後寄望：「總有一日，希望我哋可以光復香港，再次喺煲底相見。」

https://hk.appledaily.com/local/daily/article/20200417/20901715