被控告暴動的上年紀姨姨確認警甴沒怎樣惡待一般被捕的上年紀人士兼且順利保釋

文內描述那位上年紀被控告暴動的姨姨,將被捕後目撃的情況説出,確認警甴沒怎樣惡待一般被捕的上年紀人士兼且順利保釋,反而年幼的就被施以酷刑處處濺血。
正如本頁推測,他們濫捕是為了編製器官名册,上年紀人士不是目標物。

=====
#手足投稿 #元旦大遊行 #堅持抗爭

『今日維園入面發生咗一件事。相信大家都知道，今日好多人喺維園內外等出發，企咗好多個鐘。突然間，企我前面嘅姨姨，轉身俾佢部電話我睇，然後用唔純正嘅廣東話好嬲咁同我講：「呢班正仆街嚟，又扮示威者！成日屈細路！」部電話當時顯示嘅，係幾個喬裝警俾市民問完係咪警察，然後緊張地衝返去防暴警察嗰邊嘅 Post。過咗陣，現場有消息話灣仔已經出左TG舉緊槍，呢個時候在場等候緊出發嘅市民當然係好嬲，當中有人話：「你咁樣我哋係唔會驚㗎！」呢個時候，嗰位姨姨用佢唔純正嘅廣東話回應：「係呀！我係唔會驚㗎！我而家俾人告緊暴動，係保釋出嚟嘅！我都要行出嚟！我係唔會驚！」大家聽到，沉默左。我望下姨姨，成頭白髮，電話啲字仲要放大先睇到，無六十都有五十，你話佢暴動？佢點暴動？嗰一刻，我個心實曬。我相信現場聽到嘅人同我一樣，都覺得難以置信，因為無人出到一句聲。過咗好一陣，先有人向姨姨打氣：「阿姨好嘢！」然後姨姨繼續話：「我有得保釋已經算好，好多人無得保釋，你唔知佢哋係過緊啲咩嘅生活！我去到警署，啲警察對住我哋啲年紀大嘅唔敢點樣。但啲後生，就好慘！我喺警署見到啲男仔，係俾佢哋打到成頭血！有個女仔隻腳，俾佢哋打到，要拖住隻腳去廁所！我哋啲老人家見到，真係眼都濕埋！所以我呢啲有得保釋嘅，一定要繼續行出嚟！你話我係暴動，我都要行出嚟！我係唔會驚！」

由頭到尾，我一句聲都出唔到。有人嗌阿姨加油，我連加油都講唔出。我覺得我連回應都無資格。我呢啲廢中，乜都無付出，憑乜嘢叫一個隨時要用自己嘅十年嚟換取我嘅自由嘅人加油？唔知點形容嗰種感覺，只覺得好內疚，好傷心。嗰個阿姨係自己一個嚟集會，唔知點解我見到佢一個人，仲更加內疚。又諗起被拉左嘅人，點算好？

呢個時候，企喺我前面嘅女仔喊左出嚟。有人遞紙巾俾佢，有人拍下佢膊頭，另一個女仔直程轉身攬住佢。我望住佢哋，忍唔住好想喊，點解香港人要咁慘？
出呢個 Post，只係想有人知道，今日維園入面有個勇敢嘅姨姨，而佢係香港嘅一分子。佢無放棄到，希望大家都唔好放棄。
致同我一樣無咁勇敢嘅你，可能你同我一樣，有時會覺得自己咩都做唔到。但如果你係二百萬人嘅一份子，至少你可以喺下次消費之前，花少少時間諗下，我哋嘅下一代過緊啲咩生活。我哋做大人嘅，究竟又願為下一代做啲乜，唔做啲乜。例如係咪一定要食金拱門，淘寶同搭港鐵。究竟憑良心消費，係咪真係咁難。

最後我想講，我好後悔今日無走埋去攬個姨姨一下。』

https://www.facebook.com/100041326821115/posts/173919753995584/