港康碼檢測毋須準確,他們説你是紅碼就紅碼、黃碼就黃碼,自要禁閉在家

 必讀: 資料搜集充足,完全暴露港康碼的真相和恐怖。尤其是檢測毋須準確,他們説你是紅碼就紅碼、黃碼就黃碼,自要禁閉在家,叫天不應、叫地不聞,可能只是因為你在網上一句過火留言。

======

「健康碼」仲恐怖過《國安法》！

「健康碼」仲恐怖過《國安法》！

「健康碼」仲恐怖過《國安法》！

為左令大家迅速明白事態嚴重，必須重複三次。《國安法》最多只係極權打壓人民自由的法律工具，但「健康碼」係直接令你失去所有自由、私隱，從此依個社會上所有人都要活在科技極權監控之中。

《人類大歷史》作者 Yucal Noah Harari 講過，50 年前全球最高效率的情報機關前蘇聯「國家安全委員會」，其情報網絡再強大，亦無法每天追蹤全國 2.4 億人民，亦無可能有效處理收集到的所有信息，但現在有了無處不在的監控碼和強大的 AI 演算法，當年前蘇聯做唔到的極權願望而家已經可以簡單實現。

「健康碼」就係依個工具的先鋒。

▍無健康碼就無法出入商場、食肆，搭車，等同坐監禁足

我地而家討論既「健康碼」，早在今年 3 月中國杭州就率先推行，然後好快就係全國推行。

「健康碼」會收集你的名字、身份證號碼、聯繫電話和最近出入的詳細資訊，然後生成「綠、黃、紅」三種顏色的二維碼。綠色代表可以不受限制活動，黃色需要在家隔離 7 天、紅色需要隔離 14 日。

係中國，如果你唔展示健康碼，就唔可以進入主要公共場方，甚至無得搭任何公共交通工具，等同幾乎失去日常活動。

依樣野係香港都會實現，建制派議員林健鋒就提到「主要公共地方、商場、食肆配合用港康碼，只要佩戴港康碼就可以出入這些地方，若沒有佩戴就請盡快申請。」換言之，你無健康碼，就無法出入商場、食肆，甚至搭車都唔得。極度恐怖。

▍「被不健康」的記者：「活在數據煉獄之中」

千其唔好以為健康就真係無事。根據外媒 WIRED 、Financial times 、紐約時報皆有報道，有不少中國人係 100% 健康，但健康碼顯示黃色，甚至紅色，於是被長期強制隔離，叫天不應叫地不聞。

最慘係健康碼的規則不透明不公開，當事人完全唔知自己點解係「紅色」，亦唔知自己點樣可以轉返「綠色」，投訴無門，長期被禁足，極為無助。

你永遠無法知道「健康碼」點定義所謂「健康」。你問政府，政府可能會同你講係用 AI 大數據分析，「絕對可信，但細節不便透露」。就算政府真係肯透露部分內容，有無潛規則都唔知。

Financial times 就報道指有記者的健康碼無故變「黃色」，於是長期離開唔到旅館房間做唔到訪問；就算做左病毒測試和 14 天檢疫證明肯定係健康，但都係被要求係屋企隔離。被「囚禁」記者形容為「活在數據煉獄之中」。

▍中國被踢爆「健康碼」與警方系統連接

即使「健康碼」真係對防疫有效，民主自由社會都相當抗拒，因為依種操作係會完全顛覆整個城市的生活秩序，等同將自己社會與極權劃上等號。

今日政府話會保障私隱，但無人知最後自己的個人數據會比左邊個。紐時就報道，中國被爆踢有用戶的個人數據被連接去警察部門，只要當事人一用「健康碼」，其位置、個人資料、過去出入紀錄就會送去警方的伺服器，而應用程式係從來無向用戶提過依件事。

換言之，你有無幫襯過黃店、你生活習慣係點、平時去開邊度，同咩人傾計食飯、你有幾多朋友，任何個人社交活動都可以通過數據分析得出答案。而依啲數據遲啲係警方可以掌握到。

另外好多人無注意到執行上，其實係一定會同城管、警察配合先可能更有效執行。譬如你被發現係「紅色」，就會被「執法者」拒絕入商場、押解返屋企，甚至拘捕。所以，執法者遲早都會被「合法地」派上用場，到時林鄭就會開記招大義懍然「笑住」咁同大家講：「為左防疫咁係必須。」

▍健康碼用作取代舊信用系統，監控系統更嚴密

全世界都擔心疫情下公權力擴大的「例外狀態」，會係疫情後變成日常秩序。五十年前極權政府想做但做唔到的大監控，今日完全做到。

人權觀察組織(Human Rights Watch) 的中國研究員就提到：「冠狀病毒爆發將會成為中國開展大規模監控的歷史里程碑。」（提外話，人權觀察組執行長剛被中國制裁）

中國過去一直執行的信用系統，係疫情下做唔到嚴密監控，所以被批評為「有漏網之魚」。今次發展出黎既健康碼，正正係為左監控更嚴密而設計。換言之，其監控的嚴密程度（=侵犯私隱的程度）比舊有信用系統更強大。

▍坐監唔需要再係牢獄之中，你自己屋企就係監獄

今日收集你健康信息、出入紀錄、個人資料。他日收集你生物數據、網上對話內容等更多重要私隱，絕對唔係天荒夜譚。有左健康碼，以後坐監唔需要再係牢獄之中，你自己屋企就係監獄，仲要審都唔駛審。

「想出門？唔得，顯示紅色！」

「想搭車？唔得，顯示紅色！」

「想入店鋪買野？唔得，顯示紅色！」

比起「健康碼」，《國安法》簡直濕濕碎。

https://m.facebook.com/story.php?story_fbid=3853055214721339&id=100000506944197

書生的這一篇對港康碼被掌權者濫用而市民受害有更細緻的解構:

=====

書生再講多少少。健康碼唔單止係侵犯私穩咁簡單，即使你願意交出所有個人數據，即使政府真係肯保障私隱，自由已經唔存在。

《國安法》再辣，都需要法庭審下，亦唔可能拉晒全民入監獄，但「健康碼」本身就將整個城市變成大監獄。

只要你唔符合「健康」指標，就無得搭公共交通工具、無得出入商場、超市、食肆，無得返工，等於無晒最基本生活。

健康碼係改晒成個社會既運作結構，係每一個生活細節上都設置一度閘去篩選人，係真真正正的極權。

政府要做，礙於運作成本，亦礙於怕做急左反抗聲音太大，應該會慢慢做。好可能先從政府機構做起，無健康碼的就唔比入政府部門，唔比出境。然後就唔比你搭地鐵、巴士，畢竟要係閘口加個健康碼機掃描器唔難。

而家唔少商場食肆都擺左「體溫測量器」，要換成「健康碼掃瞄器」，商場食肆好可能配合（鼓勵政府行健康碼的林健鋒就係商界議員），成本亦係相當低。所以你可以想像成而家需要體溫測量器先可以進入既地方，會率先變晒做無健康碼就唔可以入既地方。

之後就要全個城市配合執行，絕大多數公共地方都需要健康碼先可以出入、消費及使用。咁「健康碼」信用系統就正式完成。

根本唔需要搞「強制申請」，因為到時你無得唔申請，因為唔申請根本維持唔到基本生活。

端傳媒就有報道，浙江省就有近 9 成人口安裝左健康碼，因為唔申請根本生活唔到（其中有 100 萬人因黃碼或紅碼而生活受限），但亦代表有 10 % 無申請者成為社會「被放逐者」。

當健康信用系統完成，政府就會為每個人打上一個「健康數字」，用依個數字控制人民的生活。可以想像疫情完左，依個「健康數字」會變成用其他參考指標打分。例如常吸煙，就會扣分。例如飲食習慣唔好，又會扣分。有流行病，又會扣分。又或者，你唔聽話，都係「精神唔健康」既一種。

唔知大家有無睇過動畫《PSYCHO-PASS（心靈判官）》，動畫世界入面每個人都有個「健康碼」。有個男人因為係邊緣人，自然心理挫敗，心靈健康指數偏低，被判為「危險份子」後，已經無得係社會下正常生存，個男人係惡性循環下自知無得救，徹底崩壞左走去強暴女人。個女人本來心靈健康指數係正常，但因為被強暴後心靈受到嚴重創傷，亦變成「危險份子」，被「心靈判官」追殺。而諷刺的係，心靈判官本身唔少都係心靈健康指數唔正常，但只要加入政府去捉人，就可以免於受罪。真實比動畫小說更真實。

書生絕對唔係危言聳聽，外交家雜誌 (The Diplomat) 同BBC 就有報道，5 月時杭州衛生官員曾建議將新健康法規加入收集「每日飲酒量、吸煙量、行走步數和睡眠時間」等個人數據，並要求「永久」為人民健康評分。當地人民極力反對相關措施，連中國人都深明其禍害，香港人仲唔知醒？

健康碼最恐怖的地方係「有病／罪推定」。假如政權亂向異見者打分，將你列為黃色或紅色，你點證明自己真係健康？答案係「無！」你無方法證明自己真係健康。你睇醫生都無用，因為醫生最多只能證明你有病，而證明唔到你無病。試想像下，你真係健康，但健康碼顯示「紅色」，你想入商場、想搭車都被拒，你點證明自己係健康？人地唔會信，只會見你係「紅色」當你病毒傳播者咁去睇。到時你幾無助？

要點抗衡？

第一，一定要知道事態有幾嚴重同恐怖。而且衛生局長六月時已係立法會提過「健康碼」係政府未來工作一部分，加埋愈來愈多建制派吹風，實行機會相當之大，而且可預計短期內會公佈實施。

第二，要話俾所有人知有幾恐怖。真係要講，要講得出點解比《國安法》恐怖得多。要講書生提過既中國實例，就算你幾「健康」，都有機會被標籤成「紅色」出唔到街，入唔到商場食肆。

第三，將依個 post 同上一個post 傳出去。就算你真係唔想分享書生唔緊要，但你真係要將相關消息傳開去，令所有人都知道。傳去你既TG Group、傳去你既 FB Group、傳去你既 Whatspp Group，同你身邊既家人、朋友、同事、同學講。一個不漏！！！

第四，一定要全民唔合作。只要大部分商店企硬，全民都唔接受健康碼安排，先有生機。最先防衛既一定要係黃店，一定唔可以配合政府做。之後大家都要拒絕申請健康碼，申請的基數愈少，政府要廣泛推行的成本愈高。

有左健康碼，你想「走佬」都走唔到。搭車去機場，被拒。出境，被拒。唔駛收你護照，唔駛捉你入去坐監。因為你已經坐緊。

【延伸閱讀】健康碼仲恐怖過國安法：https://bit.ly/31OMR2S

#健康碼 #全民不合作運動

#被不健康  #廣傳出去

＠書生百用＠書生百用2.0

==============

【經營困難，和手足一起贊助書生100蚊】

銀行戶口：783-279938-668，香港恆生銀行， PangChit

PayMe : D232548655/ QRCode: https://goo.gl/jMm6pw

PayPal：paypal.me/bacchuspang

轉數快ID: 4225793

https://www.facebook.com/2054342341501416/posts/2735230286745948/