多謝大家願意聽我呼籲放下勇武和理非分歧，將620 下午五點定為政府回應死線，621 上午7點行動升級時間。
但係大家拜託唔好忘記要大力宣傳 621 罷工罷課罷市。612無三罷亦都無可能成功！
唔好叫民陣623做啲乜住，我地要621全力速戰速決！
因為琴晚個post 秒爆5001，我再quote多次俾未睇到既人睇。
跪求大家多一次，請你全力先快後慢推依個post，share 俾朋友家人、放上fb comment、post俾泛民！
你每一個share同推都可能係促成 1/14,000,000可能性既關鍵
唔盡快得到泛民號召620死線、621三罷，可能已經輸左一半。反過黎睇，620-621有佢地增援號召，我地就勝算大增！
最後，我地條team既第一波攻勢 —— 爭取取消港共外國護照已經開始有效，求大家信多我一次將場仗打埋落去！
621戰佢老母！
前Post:
【 突發】我係取消外國護照樓主。求大家聽我講，停止內耗，設下死線，全力升級！
我從來未試過一星期夾埋只訓10粒鐘，每日食一排止痛藥頂住打！為既，就係助攻大家打贏場仗！
我已經得返半條命，我求下你聽我講。
和理非 同 勇武 就係 盾同劍既關係，一陰一陽，缺一不可！
和理非既你，將渴求升級，藉此打破僵局既義士指責為鬼，驚失去光環，只會令武派義士心死放棄。
試問個個義士都俾你指責係鬼，仲有邊個同你衝，幫你關鍵時刻升級？你可以質疑衝既時機，但係你千祈唔可以鬧佢地係鬼！
勇武派既你，我絕對明你攰同俾人指責係鬼，繼而心灰憤怒。但係請你忍一忍口，唔好屌到盡，唔好放棄和理非佢地。
當和理非決定離勇武派而去 —— 無人幫你聚民氣，增加行動正當性向政府施壓，你只會成為死士！斯巴達好打到以一敵百，最後都要戰死溫泉關！
的確，林卓廷講錯咗場波贏緊5比0，但我願意相信佢只係為咗勸大家琴晚無體力裝備唔好衝而一時口快，或者一時俾200萬人光景沖衝頭腦。
你可以屌，但唔好屌太盡，屌太盡只會令泛民議員依面盾離你而去。民陣作用就係關鍵日子聚民氣，除此之外，唔好投放有限精神去屌民陣！暫時撐住律師行就足夠！
我留意到經過一星期奮戰之後，雙方都開始自我膨脹。
一方面，部分勇武認為一切成果係靠自己612 衝出黎。所以無視兵力疲憊意圖強攻。一方面，民陣同和理非見到二百萬人走出黎同外國媒體盛讚香港人就開始武林盟主上身，指責衝就有污點。
勇武派，你當日無和理非做後盾又點樣出師有名？
和理非，你無勇武派同你前線頂，係唔係想重蹈雨傘覆轍？雨傘賺盡世界光環，但係我地俾世界笑足5年！
換言之，缺一不可。打埋場仗先屌對方啦，得唔得呀！
記住，我地已經有第一位烈士。唔好辜負佢遺願。想佢在天之靈得到安息，兩邊就要忍，就要合作！
最後，我觀察到一堆Channel 公投死線日子。我謹此呼籲將20/6晚上11點定為死線：
假如政府唔撤回暴動罪，同追究警方責任，我地和理非同勇武就會21/6 立刻全力升級，二百萬人兵分三路圍堵立法會、特首辦、警察總部同禮賓府！將明日大愚、國歌法一氣過拉落黎！人，我地一定要救，亦係無得退既底線！
暫緩，我地即管俾佢暫佢老母！原因就係我地可以為未來留種子，當佢他朝一日夠膽反口，我地可以重新集結，甚至推翻暴政！一了百了！
我地唔需要林鄭下台。林鄭下台只會出現林鄭2.0！
你地喺我三波攻勢入面都不斷問可以點幫手。
我而家就用半條命跪求你地！想幫手就
忍口，全力推post，將依個post 傳俾自己識既人，放上fb，FW 俾泛民！
總之，20/6 下午5點，政府必須回應。
同時大家利用未來幾日積極備戰！戰佢老母！
我地條team亦會積極聯絡外國勢力，全力助攻！
- 分享自 LIHKG 討論區【 突發】我係取消外國護照樓主。求大家聽我講，停止內耗，設死線，全力升級！
https://lih.kg/1236156
https://lih.kg/1240180
倒米:
沒有留言:
發佈留言