首個出獄抗爭者"原來無忘記我們", 確認831當晚行隧道離開

【專訪】首個出獄抗爭者　難忘收押所外微弱歌聲：原來無忘記我們

2020/6/29

1B手足說， 831 當晚他亦在現場，「我淨係見到一班唔知係唔係差佬嘅人，入左去打人，速龍裝束嗰班人，衝緊埋嚟，我對面有個大肚婆同有個兩歲嘅小朋友，我會寧願用身體去保護佢哋」，他說當時警方封站令他們無法從地面離開，他陪著該位孕婦沿隧道走到荔枝角站，他沒有透露太多當晚的細節，但他說當晚的經歷促使他在 9 月 6 日加入旺角站的示威。

612金鐘衝突剛過一週年，烈日當空下，抗爭者不再是在立法會外圍守，而是在赤柱監獄外掦起「光復香港」的旗幟，守候刑滿出獄的「手足」。

抗爭者「1B手足」去年 9 月 在旺角站參與示威活動，抗議 831 太子站事件，期間被指破壞港鐵設施，他承認刑事損毀，被判囚 8 個月。他當日在眾人組成的傘陣下乘上私家車離開，結束大半年的鐵窗生涯。

出獄後第6日，他接受《立場新聞》訪問時說，有仿如隔世的感覺：「第一係場運動已經唔同左，二嚟係唔慣戴口罩」。憶起還押期間的日子，他說曾經感覺被「用完即棄」，而外界給予的支持令他逐漸走出陰霾。

1B手足於9月6日參與旺角站的示威活動，近一星期後在黃大仙紀律部隊宿舍外被警員截查及拘捕。他在後來保釋期間，11 月在太古城協助制服咬甩區議員趙家賢耳廓的男子，他當晚再次被捕，案件於 11 月 7 日提堂，裁判官拒絕他的保釋申請，需還押於荔枝角收押所，還押7個月後，他於 5 月中被判囚8個月，由荔枝角收押所轉移到赤柱監獄服刑一個月，於 6 月 12 日刑滿出獄。

他憶述當日第一個反應是被嚇呆，「其實可能溝通上有啲誤會，本身只係想十個八個寫開信嘅朋友過嚟接我，點知咁大單嘢」，他隨後的反應是「驚」，擔心影響陪同他出獄的父親，沉澱過後，他說其實很感動，又言如非父親在場，亦希望與在場的「手足」有交流。

歌聲、信件助走出低潮

根據懲教署的保安守則，還押首一至兩天需要接受隔離，1B手足説他算是較早期接受還押的抗爭者，「頭頭去嗰個活動室係冇任何手足喺到」，與世隔絕的環境加上無人相伴的孤獨感，令他一度感覺被當作「condom（避孕套）」，無人在乎。

他説，後期開始有更多「手足」還押，「我地入面有個小圈子，可能大家自己人，坐埋一枱食飯，睇下電視，傾下計」。他又說他們都有訂閱《蘋果日報》接觸外界諮訊，適逢當時 11 月中大及理大都發生激烈的警民衝突，一眾抗爭者在傾談間都感到灰心，「上年年尾，見到自己咁樣，其實好唔開心，點解我哋喺呢到，要見住其他手足喺出面打仗法」，「開心嘅係，唔洗自己一個喺入面，起碼有個同路人，有其他手足一齊傾計陪住，你就會係放心，安心啲」。

在去年的聖誕前夕，他說首次有群眾在收押所外唱歌聲援他們，他說那些歌聲及口號聲在內聽起來很微弱，「雖然唔係好大聲，我會起碼唔聽收音機，聽下佢哋唱歌」，由於在內很難接觸到外界，是次的活動對他而言很大鼓舞，「第一轉唱歌，開始感覺到，其實佢哋係冇忘記過我哋」。

他又在當時開始收到第一批信件，是12月間民眾發起「和你寫」所寄出的聖誕卡，「雖然嗰批聖誕卡係random（隨機）咁寄出，冇話寫明寄俾邊個，但係值得開心」，「肯寫封信......衰啲咁講，俾啲三唔識七嘅人，係感動」。他又說後來陸續再收到其他信，他說初期的信件亦是隨機寄出，「之後開始會寫啲抬頭，寫名，甚至有啲係寫埋屋企嘅回郵地址俾我」，他因而開始與「筆友」回信，在獄間共收到約 500 封信件。

他又說「解悶工廠」寄來的信件有助他放鬆心情，其內容大多是網上社交媒體以至討論區內容，「收到呢啲信當笑話咁睇」，他指出一個插畫家阿塗的作品「自動提紙機」，「因為嗰陣啱啱好搶緊廁紙，瘋狂冇廁紙，睇到呢封嘢，我地係笑爆嘅」，「呢啲信唔係真係寫俾我哋，都係一批印好之後寄俾我哋，但我哋睇到呢啲信係放鬆到心情，當係一種娛樂」。

_________________________
原稿載於17/02/2020 Yahoo! 新聞《神獸塗鴉》專欄

區議員探望改善獄中待遇

1B手足臨近出獄前對外公佈的「家書」在網上引起很大迴響，該封家書是由區議員劉家衡公佈，當中提及希望區議員譚家浚前來探望，又指擔心趙家賢情況。他說不時有區議員前來探望，除了令他感受到支持，亦因而令他有較好待遇，「囚友對我都算好」，「有啲呀 Sir 有同佢哋講，唔好搞呢個，可能有事你都唔知，可能佢 keep（一直）住 check（查）到紀錄，個幾禮拜都有一轉（探望），有啲人同我講番係咁樣」。

他又坦言自己其實並非第一次入獄，他說過去懲教署人員的態度較兇惡，認為是次他們可能擔心他向區議員投訴，而態度有所不同，「以前問呀 Sir 攞牙膏，上次入去，佢可能追一兩日先會俾到我，以懲教署嗰角度咁講，我哋呢啲係政治犯，基本上我哋話想要啲咩，佢哋都可以即刻攞到俾我，依個分別已經差好遠」。

疫情初期，巿面上「一罩難求」，他說父母曾經因為沒有口罩而十多日無法前來探望，令他擔心家人情況，「我屋企人都上哂年紀，我爸爸退左休，70幾，我媽咪都挨住60歲，最誇張嗰期佢哋係連米都買唔到，因為根本係唔夠人搶」，他更一度自責 ，「如果我喺出面，憑我能力唔敢講話搶到好多，但係唔洗講話屋企連米缸都冇米」。

他情急下分別寫信給3名區議員，包括黃兆健、譚家浚及鄺俊宇，信寄出後一星期，他的家人已經戴著口罩前來探望，「我冇諗過，佢哋係短時間，兩三日，夾夾埋埋都俾左10盒口罩我屋企人」，「唔好意思在，我唔記得提屋企人，攞一兩盒就夠，因為驚可能仲有其他人需要，之後我都有寫番信俾佢哋道歉」。

被撕去一頁的禁書

他在訪問當日帶來兩本他在獄中的「精神食糧」，《消失了的連儂牆》及《反送中攝影集：我願榮光歸香港》，書的側面留有在獄中的編號。他說，他當時為了要帶入該本影集，需要面見懲教署的高官，「（他）喺我面前話有幾頁要搣左」，他翻開被撕走的一頁，他記得該頁是抗爭者撞破立法會玻璃的相片，「佢冇講（原因），總之話呢頁一定要搣」，「其實佢可以唔俾我入，但佢話搣一頁俾我入，權衡左之後冇辦法，因為除左我，其他手足都想睇下，回憶當日發生過嘅事，所以覺得一頁唔緊要」。

他說兩本書其後都成為了獄中禁書，無法再帶入，「其實我本身都唔想帶走，想留番俾其他手足，但呢兩本書對我嚟講嘅意義好大」，「提醒番究竟我哋經歷過啲乜嘢，同埋睇番啲我哋經歷唔到嘅嘢」。

無準備下加入抗爭被捕

1B手足說， 831 當晚他亦在現場，「我淨係見到一班唔知係唔係差佬嘅人，入左去打人，速龍裝束嗰班人，衝緊埋嚟，我對面有個大肚婆同有個兩歲嘅小朋友，我會寧願用身體去保護佢哋」，他說當時警方封站令他們無法從地面離開，他陪著該位孕婦沿隧道走到荔枝角站，他沒有透露太多當晚的細節，但他說當晚的經歷促使他在 9 月 6 日加入旺角站的示威。

他在當晚本來只是碰巧路過，「嗰陣係收工，如果唔係我都唔會一個口罩就咁就行落去」，他當時更染了一頭金髮，他當晚成功離開，唯事後在 9 月 11 日被警方截查，更被一名警員認出樣貌，將他拘捕，「當時嗰白衫就話『咦，咁熟口面嘅』」，「我相信係有啲內部通輯名單存在，如果唔係冇可能咁樣認到我」。

後來在保釋期間，於11月3日當晚，他說本來只是約了朋友在附近「打麻雀」，收到消息有警方走入太古城，便立即和朋友趕到現場，後來聽聞商場另一邊有人「斬人」，便衝往該處，他說他當日身穿粉紅色上衣，頭髮亦染上粉紅色，身上幾乎沒有任何裝備，被問當刻會否有猶疑，他果斷說「無」，「雖然我係明顯啫個頭，我今晚即時買盒美源髮彩番去染番黑佢」。

唯他後來與該名襲擊趙家賢的男子糾纏時受傷，「（他）冚我個頭落牆角、玻璃，我嗰下啲朋友想帶我走，但我真係行唔到，完全行唔到，有啲頭暈，同埋有啲想嘔，所以坐左喺到打算休息一兩分鐘就行，冇諗過一兩分鐘差佬咁快到」，他當晚被捕及送院，事隔數日後上庭，被拒絕保釋。「呢個情況係失左預算，但可能另一方面睇，可能嗰天整定我嗰日（被捕）」，他說假如當晚他沒有被捕，他推斷自己可能會在中大及理大的衝突中有更進取的行動，被告以更嚴重的罪行。

出獄後被跟蹤  改變抗爭角色

他承認當日的自己有點衝動，經歷過大半年的囚禁，他變得謹慎。6 月 15 日梁凌杰離世一週年當晚，他亦有走到銅鑼灣現場，他說會有點避忌，當晚沒有穿黑衣，唯仍未能避過警方的截查，「我淨係由皇室堡行番去SOGO（崇光百貨），咁短一條路，我俾人查左 4 次身份證，要望袋，仲要除左個護腕睇下有冇嘢收埋喺入面」，他認為警方的執法手段比過去更嚴苛，「之前係出去閘先會有差佬到，依家閘都未到，差佬已經到」。

他又說，曾有人提醒他出獄要格外小心，他發現出獄後首兩天疑似有人士跟蹤他，「我喺屋企樓下見到你，咁好正常吖，同一時間行出去都好正常，有乜可能我轉左幾次車，都仍然見到你嘅存在先」，不過他沒有打算追問那些可疑人士，「我唔想被消失，我唔知咩人嚟」，又言這個情況令他感到少許壓力，「嚟緊面對咩情況或者咩環境我係真係唔清楚」，「會唔會有一日話我跳落去自殺，會唔會去到咁樣呢，都唔知，係會擔心」。

「經歷過呢 7 個月，抗爭係要繼續嘅，但係街頭抗爭已經行唔到落去」，「我今次番出嚟，我已經決定左唔到最後嗰一刻，唔到最後嗰一個需要，我都唔會再行去前面，我會退番後去幫其他手足」。

他在出獄後與一名區議員簽定合約，擔任兼職區議員助理，「我自己坐過兩三次監，會知道入面嗰『玩法』係點樣，可以教到啲議員」。他又說，在監獄內不清楚外面情況，會有一種「虧欠」其他「手足」的感覺，希望藉議助的身份為獄中人士帶來外界消息，「我自己經歷過，知道咩消息係佢地接觸唔到嘅，我可以透過呢個方法同佢哋講，等佢哋可以放心啲」。

被問對同路人有甚麼寄語，他沉默數秒後說：「唔好再戇鳩鳩送頭」，他說因為自己經歷過，更不希望同路人有同樣遭遇，「佢地有啲未入過去嘅，就係會稍為投訴，就會落得俾人懲罰嘅下場」，「鎖左獨立囚禁，有一個手足直頭俾人丟左去小欖（精神病治療中心），好慘」，「我會情願我坐哂，都好過有啲唔識『玩』嘅手足入到嚟，而咁樣俾人整，我唔想咁樣」。

「轉個模式再行落去，總會有第二次機會」，他引2014年雨傘革命時，群眾離開夏慤道時掛上的標語 「We‘ll be back」，「隔左5年咋嘛，隔左幾年可能仲大鑊」，「唔應該再俾藉口差佬拉人」，他又籲同路人留有用之軀，「入面唔係想像中咁難受，但唔值得」。

https://www.thestandnews.com/politics/%E5%B0%88%E8%A8%AA-%E9%A6%96%E5%80%8B%E5%87%BA%E7%8D%84%E6%8A%97%E7%88%AD%E8%80%85-%E9%9B%A3%E5%BF%98%E6%94%B6%E6%8A%BC%E6%89%80%E5%A4%96%E5%BE%AE%E5%BC%B1%E6%AD%8C%E8%81%B2-%E5%8E%9F%E4%BE%86%E7%84%A1%E5%BF%98%E8%A8%98%E6%88%91%E5%80%91/#.XvlS4C2D9L8.facebook

破產侍應認毀港鐵設施囚8月　維修費達110萬　官著循其他方式處理

2020-05-13

旺角港鐵站去年9月遭示威者大肆破壞站內設施，其中一名男侍應涉嫌用消防喉及行山杖損毀入閘機、售票機、電視熒幕等，港鐵估計總維修費用達110萬元。早前申請破產令的男侍應今（13日）於西九龍裁判法院承認一項刑事毀壞罪，主任裁判官羅德泉形容案件是有組織、有規模犯案，判被告監禁8個月。因控方申請的賠償款項超過裁判法院有權審理的金額，羅官建議控方考慮循其他方式處理。

(中段個人資料內看)

裁判法院只可處理不高於10萬的賠償

控方申請被告就其破壞的設施賠償，但因裁判法院只可處理不超過10萬元的賠償令，羅官遂著控方考慮以其他渠道處理。

辯方求情指被告已還柙8個月，他明白不應此方式發洩不滿，日後若要示威也只會參與和平的活動，如出現暴力事宜會即離開。辯方又呈上求情信及破產管理處的文件，指被告願意賠償，會與破產管理處商討如何賠錢。被告了解會被判監，但盼法庭考慮較低的刑期。

官指事件有組織有規模

羅官形容案件明顯是有組織、有規模的大型行動，事件中多人行事，被毀的設施不少。他以監禁一年為量刑起點，被告認罪獲減三分一刑期，最終須入獄8個月。

案件編號：WKCC3468/2019

more:

https://www.hk01.com/%E7%A4%BE%E6%9C%83%E6%96%B0%E8%81%9E/472747/%E7%A0%B4%E7%94%A2%E4%BE%8D%E6%87%89%E8%AA%8D%E6%AF%80%E6%B8%AF%E9%90%B5%E8%A8%AD%E6%96%BD%E5%9B%9A8%E6%9C%88-%E7%B6%AD%E4%BF%AE%E8%B2%BB%E9%81%94110%E8%90%AC-%E5%AE%98%E8%91%97%E5%BE%AA%E5%85%B6%E4%BB%96%E6%96%B9%E5%BC%8F%E8%99%95%E7%90%86