~仲衰過葛栢和呂樂時代,跛豪都不用出場
~上到立發會討論,大家又有得嘲笑下,已治癒了不少人的心靈
=====
🙄鄺俊宇：「竟將僭建責任推比地產代理」🙄
譚文豪同鄧炳強講：「依家只見到有「警暴紅利」，愈打得示威者犀利就有紅利，依家你嘅下屬「一門三傑」，懷疑佔用公地、攞牌照屋出租、僭建、攞雪糕筒返屋企霸車位，呢啲行為全部都係公職人員行為失當，甚至違反其他法例，你諗住點處理？會唔會將佢哋停職？」。
鄧炳強就話：「有暴徒使用暴力，我哋先會用武力處理。至於你提及我哋幾個同事嘅問題，據我所知已經有相關部門已展開調查，至於佢哋嘅行為係咪違紀、不當，我哋都已經展開調查，（譚文豪追問有冇召見涉事人士、係咪要先停職），我都講咗正進行調查...」
輪到鄺俊宇提問時，佢話：「近期警隊屢創新猷，鑊鑊新鮮、鑊鑊甘，更比報紙大字標題，圖文並茂指處長你本人，明知僭建照租風水屋，依家事實擺在眼前，所謂其身不正何以律人。」。
鄧炳強話：「噚日有報章話我明知有僭建都租用一個單位，又指控我視若無睹，都同事實不符，如果我有任何違法行為、責任，我絕對唔會逃避，但事實並非如此，我2016年租住呢個單位時，有問過地產代理有冇任何非法建築，當然個地產代理話冇，查冊亦冇話有僭建物，我自己亦唔察覺，如果唔係都唔會租啦，到2017年收到屋宇署嘅信話有僭建物，我已即時要代理同業主講，要求業主跟進，2018年我約滿，地產代理話業主好快會處理，所以我續咗租，但2019年初發覺業主仲未有行動，我已經搵地方搬，而我5月已經簽咗新屋租約，唔係好似報道講6月比人起咗底先搬...」
鄺俊宇就串佢：「處長幽默感果然高人一等，竟然將僭建責任推比地產代理，近排警方成日話『犯法就係犯法，一定要負責』，會唔會向公眾致歉？」，但鄧炳強講咗啲唔關事嘅嘢，然後就啱啱好夠鐘（回應時限）。
直播👉 https://www.facebook.com/hk.nextmedia/videos/549845709007801/?vh=e
😒警隊高層接連出事！林鄭：「唔可能逐個評論」😒
記者問接二連三有警隊高層捲入涉嫌違法事件，佢點睇？林鄭話：「所有香港人喺法律面前人人平等，所有嘢都係一視同仁，但我無可能逐個喺度評論，尤其呢啲事件正在調查中。」。
記者又問，地政總署剛開始跟進陶輝事件，地政總署署長就被調走，林鄭先冷笑一下，再若無其事咁回應：「調任同呢件事無關，因為調職安排唔係一兩日嘅事。」。
直播👉 https://www.facebook.com/hk.nextmedia/videos/686707788752815/
https://www.facebook.com/103397657814341/posts/162479228572850/
沒有留言:
發佈留言