更大的問題是,現在多數也不會獲得不反對通知書,獲批的集會更要戒慎恐懼。行軍打仗兩陣對敵,卻又一早讓敵軍知悉我軍會在那𥚃集結,讓敵軍早作安排部署,這是什麼玩法,損兵折將自是必然的事。兵貴精不貴多。
我一直在説和理非不知由何時開始大台築不成便已被出賣了,這是明顯的一個例子。
有人提出了問題,便即有人撲出來指責提出問題的人是黑警。
*為自己為香港的將來集會一定要去,但不能不有防範之心。
====
「失蹤人口」今日個集會搞手去左邊？
你話用宗教集會去和平集會係可以，但今日我兩點到，喺公園我除咗見有物資站之外完全見唔到有主持丶宗教人士或者義工......
你要和平集會但其實唔申請不反咁吹雞，班狗一定咬你。琴日你話有應對措施，但結果？人都唔見個，你話宗教集會咁你都做下樣丶祈個禱啊大佬。
成班人就因為信你而明知重狗都嚟.......然後大家就被狗圍，結果一大堆人食tg丶走難......分分鐘今日拉仲拉得多個上星期。
唔分化但我真係唔知搞手除左出文宣、開左gp之外做左咩？
我唔該你出嚟解釋下
- 分享自 LIHKG 討論區
https://lih.kg/1678105
「失蹤人口」今日個尖沙咀集會搞手去左邊？係鬼定手足？（2）
原本只係諗住叫個搞手出黎回應，但件事越嚟越鬼，所以決定開多個post
原先27/10星期日只係得觀塘摺紙鶴一個活動，但星期五開始就開始有文宣話尖沙咀有宗敎集會。
活動講明係「和平集會」，但又冇申請不反對通知書，所以直到琴日都有人說問到底係遊行定集會。
而搞手琴日都出咗個Q&A解釋：
當中有講：
問：我哋想和平，但警察唔想和平，咁點算？
答；我哋都知，會有相關應對策略，但恕唔方便公開講
我哋無法作出保證，只能講我哋會盡力，希望手足安全
睇到呢度大家可能會以為搞手會以「宗教集會」既形式去做集會，同埋應該會有應對策略，所以大家都不斷推行動post希望叫人去，因為始終星期日大家都期望有大型示威。
但去到集會當日，一點鐘已經尖沙咀、旺角一帶已經極重狗，但集會搞手/admin係無做任何提醒/share交通情況。而正常集會/遊行前，記者都會搵搞手去做訪問，但當時搞手係完全無出現過。有去到集會嘅你都知去到集會時間三點鐘都無任何主持人丶宗教人士喺現場（大家可以睇返直播）。現場你只會見到陶輝同二百隻狗喺度stop and search，然後大家開始屌狗。
及後去到三點幾左右大家就被狗圍剿，食tg、食胡椒，在三面都係狗既情況下恐慌大逃亡，而搞手仍然失蹤，只係喺四點鐘在tg channel講：「尖沙咀一帶警方狂發射催淚化學毒煙，無理打壓市民，警方打壓宗教自由非常可恥，集會提前結束，請市民注意安全，平安離開」
（以上呢段嘢已經俾佢洗左）
講完，搞手就潛左手，tg group手足就開始覺得奇怪同問搞手去左邊，但一直都無人回應
以下係當時tg公海討論既一啲疑點：
1.物資站只係平時都會義務幫手既人同搞手無關
2.搞手有招募義工做糾察但活動前無同糾察做任何briefing
3.糾察集會前半個鐘係現場都搵唔到任何搞手/搞手s
4.糾察無收到過任何關於集會糾察既安排, 亦被通知不需理會
5.糾察完全無收過今日所謂集會既時間表
6.一個叫1027集會既telegram ac不停係各group大吹風話今日遊行, 而且12點仲吹緊但明明已經話係集會
7.文宣組亦沒聯絡過搞手真人，所以純義務去幫手宣傳
8.「宗教集會」但無講員，完全無準備過集會內容，連牧師、師傅都無
9.無任何聯絡過既南亞人出現集會搞活動(原本仲有個寫信活動?)
及後有手足亦指出該搞手channel亦曾在6/10搞一個奇怪嘅「和平集會」
最後，當手足喺tg group同連登開始叫做搞手回應嘅時候，一個自稱搞手既朋友就係tg channel講搞手可能已經俾人拉左，並且將公海關閉，將三點之後既公海對話洗左。
我並唔係想分化，但我覺得搞手搞個活動出嚟要負責任。成個集會都冇申請不反但個搞手又話想和平，但參加一個無不反既集會啲狗就一定會咬你非法集結。如果你話宗教集會，咁你起碼都要有宗教人仕壓場祈下禱丶念下經，但今次集會個情況就係個搞手完全no show，最後手足喺狗有曬包圍丶步署既情況下被圍捕。
我唔希望個搞手係鬼，但今次真係一個血的教訓。
希望以後活動搞手要負責任同埋義工如果發現唔對路要早啲出聲。我地真係無咁多手足可以輸，大家就係要諗多啲，唔好盲目地推。
https://www.facebook.com/iwishhk2019/
另外有巴打指呢個page可能識搞手，如果可以嘅話可唔可以出嚟開post解釋下。
- 分享自 LIHKG 討論區
https://lih.kg/1678580
除左黑警 有邊次有手足怪過活動召集人？
有冇人答到我
- 分享自 LIHKG 討論區
https://lih.kg/1678924
沒有留言:
發佈留言