像多年前的左膠那樣,今日既示威與國際看齊,區域戰見成效,又有堆人扮行動者講︰夠喇，係時候要停...

像多年前的左膠那樣,今日既示威與國際看齊,區域戰見成效,又有堆人扮行動者講︰夠喇，係時候要停...
示威一定要繼續，不能停，一停就是政治大清算，無一倖免。

葉政淳:

講個故事比大家聽。好多年前，但凡有人衝擊而無即場被捕，左膠都會聯群講︰點解佢無比人拉？一定係鬼，係臥底。

而同一時間，我已經不斷講，示威無被捕，係本事。而左膠同保皇黨就槍口一致對示威者︰「敢做點解唔敢認？」
我反駁「敢做，就係唔駛認」，對於一個不是政治明星既平民示威者，被捕就意味住終其一生，都要背負一個超大既負累。叫人認罪自首既，無一不是雙腳離地的仆街陷家剷。例子之一，係戴耀廷。

今日既示威，形態同當年完全唔同，開始同國際看齊，而呢堆當年既當紅左膠，唔係去咗紅資、中資、人唔人鬼唔鬼既傳媒或者機構做然後潛晒水，就係轉晒軚，想做勇武示威既代言人，再將民意從街頭示威，轉變成選票同議員薪津。

今日區域步兵戰見成效，又有堆人扮晒行動者講︰夠喇，係時候要停、點解要針對政府合署呢？阻到街坊又失國際民意。仲要講到自己無比人抄牌，憑高學歷可以返上流社會。你就知鬼撚到唔鬼，即係講到自己紓尊降貴，可以置身事外架，你班人唔識停因為係賤民。

其實我就唔評論人出身，貴賤都係咁話，只要係行動者就係珍貴既人才，我只係對果句自抬身價十分反感。

講返正題，政府合署唔係政府既一部份？佢唔係呢個社會運作既其中一部份？如果你真係一個連命都唔要，預咗暴動罪坐十年，會掟汽油彈既示威者。你唔會唔知道，加重社會運作成本，甚至煞停成個社會運作，係一切示威既終極目標。

前排去台灣，適值長榮航空罷工，記者在機場訪問一些旅客，旅客說︰我支持長榮員工，但不應阻礙到人。而長榮員工一方的回應是︰阻不到人，我為甚麼要罷工？這是一個完美的解答。

你自己諗下，自從黨鐵被廢之後，大家開始學搭其他公共交通工具，先唔講立場，的士都受惠。商場唔開，就少咗無謂既消費主意式開支。大連鎖食店唔開，就幫襯返小舖。百街惠康唔開，大家就去返街巿買送，去雜貨店買日用品。之前大家為咗貪果少少便宜同方便，就將血汗錢大把大把餵大咗中央集資既資本家身上。

成個社會停擺，大家工都返唔到，就有時間享受一下休閒，思考一下以前既高壓式生活係咪有問題。

所以寫果篇文既人，認同而傳閱既人，心底裡都係一個唔喜歡社會變得混亂，依附壓窄大眾的秩序的奴才。

示威一定要繼續，不能停，一停就是政治大清算，無一倖免。但要夠快，不要被捕。

#示威 #社會 #超穩定結構
https://www.facebook.com/506449726169605/posts/1458938564254045/