=====
【轉載】如果面對一個已經舉起手槍嘅差佬，你要做嘅係三樣嘢:
1.盡快向橫移離火線
子彈發射係一個直線運動，粒子彈唔會識轉彎，你個人橫移幾步，其實已經完全離開左有效射擊嘅範圍，我就當個差佬發癲要追住你射，你每向左右移動一次，佢就需要重新瞄準一次，令佢好難好快咁決定射擊。
2.揾掩護物
我諗揾掩護物唔使點解釋個原因，但記住要揀合適材質嘅掩護物，同埋個掩護要遮得囇自己，垃圾桶絕對擋唔到子彈，最好揾到石屎牆之類，但如果附近無建築物，求其揾d嘢遮住自己都好。
3.拉開距離
好簡單，目標距離愈遠，就愈大嘅射擊誤差，愈難射得中你。
我知有好多手足唔想縮，就算差佬有手槍都想冒險壓上去，我尊重你地嘅決定，但我希望你地知道可以點樣規避最大嘅風險，同埋當你想退時，知道要點保命係最有效。
仲有，如果真係無可避免要攻擊一個擎左槍嘅差佬，其實無一個方位入手係完全安全，相對上比較安全嘅會由佢後方攻擊，係佢視線完全睇唔到唔知情嘅情況下一嘢推跌佢，唔好諗住打痛佢，佢只要個人唔跌，回身鳩射一槍都好大機會打得中你。
我地柳記RRT講真都無咩實戰經驗(其實六月之前就算差佬都無咩實戰經驗)，唔敢認咩專家，我都只係將喺平時training 或者演習入面學過嘅嘢分享比大家，未必完全啱曬，LIHKG愈來愈多資訊出現，我希望手足睇post嘅時候，尤其是關於埋身行動策略，要認真係腦入面幻想一下個情況，諗下d建議可唔可行，同埋有無咩風險。勇武嘅手足，任何係LIHKG見到似乎可行嘅埋身技巧，我都建議你地小組形式演練下先，揾一個手足扮警察，其他人做手足，認真嘗試執行下個策略，第一所有埋身技巧都係工多藝熟，做得多就變左身體本能反應；第二，好多缺陷同埋技巧要點，係要埋身做過先會發現。
祝大家平平安安。
沒有留言:
發佈留言