攬炒巴團隊，你地係民間記者會講及ChiNazi嘅嘢好奇怪

攬炒巴團隊，你地係民間記者會講及ChiNazi嘅嘢好奇怪

ChiNazi呢個字的創造,一眼就睇得明是將現在的中國等同昔日的納粹,世界上没有人不明白,是滿帶著貶意的,不會變成支持納粹。

德國人除咗部份右翼極端,亦早已和納粹劃清界線,不會有玻璃心的情況,有的只是個别問題。

攬炒巴團隊運動以來一直所做的事情都叫人喝釆,但今天在民間記者會所説的,如我般看華爾街狠人的文字解釋,還以為是中國口交部的記者會記錄,扭横折曲與現實脱節,目的就是叫人不要再用這,我認為是高端創作而共產黨大業未成前亦忌憚的字眼ChiNazi。

當對手是無所不用其極的共產黨,身邊或你熟悉的人突然轉口徑或行為有異地誇誇其談,包括林奠,就應該要慎防他已被操控或被要脅中,即使身在外國也如是,他們不能引渡你回中國,卻能像對付你像對付維吾爾人犯般,監視或恐嚇他們的親人。

=====
攬炒巴團隊，你地係民間記者會講嘅嘢好奇怪。(Chinazi)

攬炒巴，你地團隊一路登報，其實我一直都欣賞你地，因為你地可以將香港議題帶上國際。就如香港自治行動舉美國旗，唱美國國歌行動將香港議題帶上美國議會。

但今日嘅民間記者會，我唔知你地發生咩事，竟然話「赤納粹chinazi」一詞「觸及文化禁忌同傷疤，造成西方對香港抗爭者反感嘅巨大風險」同「令部分人誤會香港人支持納粹」 。

呢兩個月而嚟，我地twitter嘅手足不辭勞苦，#chinazi, #chinazism, #anti-chinaism 去宣傳
中國＝新的納粹黨(china= new nazi party). 過程中，無咩外國人對我地嘅hastag 有反感。

而New York Times嘅評論人都認為，我地Chinazi嘅塗鴉係批評，而唔係支持。咁我想問「令部分人誤會香港人支持納粹」到底係邊到？

不分化，不割席。

但如果攬炒巴你地要我地香港人放棄呢個對共產黨咁有力嘅指控。
我諗大家要諗下一齊行過嘅路。各自嘅目的地係邊。

小小節錄： New York time:

https://www.nytimes.com/2019/08/28/opinion/hong-kong-protest.html
Opinion Straining Through the Tear Gas

As in 1989, these protests snowballed because of government mishandling and arrogance. China’s hard line has also deeply antagonized Hong Kongers. Graffiti everywhere denounce “ChiNazi” influence, and people scold me when I refer to the population here with the old, familiar term of “Hong Kong Chinese.” No, people object: We’re not Chinese. Say “Hong Konger.”

- 分享自 LIHKG 討論區
https://lih.kg/1594385

華爾街狠人:
（極重要！）今日民間記者會「攬炒巴」發言：表示已連結超過19個國家、48個城市於9.28及9.29響應「全球連線、共抗極權行動」，到時某些城市更會有西藏人及維吾爾族人一起參與！呼籲港人共同抗爭！！

另外，關於為什麼最後用「反極權」而不是「反赤納粹」為主題，攬炒巴表示在多個國家收集意見後，美國、英國、法國、德國等歐洲國家都擔心提納粹即係揭緊德國人傷疤，在國際上有啲令人反感；還有，拎住赤納粹（#Chinazi）文宣有機會令人誤會左香港人支持納粹。攬炒巴的意思是，國際文宣的戰線非常重要，一子錯滿盤皆落索！

聽完攬炒巴講，各位可考慮改用「反極權 (Anti-totalitarianism)」，如果覺得唔夠具體或太空泛，狠人建議可以更直接用「民主抗共」、「驅逐共黨」等字眼，就算真係想繼續用Chinazi既旗，建議係logo上打番個大交叉！及加上：Anti 在Chinazi前面！

最後，「香港人 928 929 全球見！」！

#AntiChinazi
#AntiCommunist
#AntiTotalitarianism
#全球連線
#對抗極權

https://www.facebook.com/110776013598523/posts/133308141345310/

925 發言全文：
//
各位香港人、傳媒朋友：

大家好，我係連登「我要攬炒」。今日有幸以特別方式出席民間記者會，目的係協助發布928、929全球反極權行動資料，亦感謝民間記者會代為讀出依封信。

過去三個月，非常漫長。

我地香港人由當日接近不可能嘅反送中，逐漸朝住「光復香港，時代革命」嘅目標邁進。只有爭取真雙普選，還政於民，重組警隊，香港先有可能撥亂反正。

以8月16日 「英美港盟，主權在民」遮打集會為契機，攬炒團隊同全球海外港人開始加強聯繫，並且，喺八月中同尾分別協調咗兩次全球示威活動，聲援香港。

但係，攬炒團隊同各地抗爭者一致認為，我地香港人有能力做得更多，而且要開始對準問題根源 —— 中共極權統治香港。

因此，我地早喺八月就開始圍繞9.28 同 10.1依兩個日子，籌備更大型全球行動同國會遊說工作。經過一個月籌備，謹此正式宣布超過18個國家、42個城市，將會喺928-929週末，呼應 「全球連線-共抗極權」行動。

同時間，九月份適逢另一批連登巴絲呼籲929全球遊行；有見及此，我地決定將兩股動員力量合流，誠邀更多海外港人928-929加入抗爭，全球開花。

截至今日，響應928-929反極權行動嘅國家已經有：美國、加拿大、英國、愛爾蘭、法國、德國、瑞典、荷蘭、丹麥、比利時、意大利、烏克蘭、波蘭、愛沙尼亞、馬來西亞、台灣、日本、澳洲、紐西蘭等19個國家，名單仲會不斷加長。部分地區更得到流亡海外維吾爾族、西藏人答應到場支持，合力反抗極權。

大家或者會疑惑：
點解最近928-929主題同文宣逐漸統一為全球反極權，而唔係「赤納粹」搶眼標題？

其實，擬定大主題嘅時候，攬炒團隊同世界各地抗爭者接觸過唔同西方政客、記者、同普羅大眾，反覆探討提出反赤納粹、Anti-Chinazi 依個字眼喺西方社會係唔係恰當。

縱使我個人同意共產黨同納粹黨無分別，甚至更差，不幸地，收集返黎嘅英美法德意見，一致認為赤納粹字眼極不恰當。

因為觸犯文化禁忌同傷疤，反而造成西方對香港抗爭者反感嘅巨大風險；而赤納粹旗更一度令部分人誤會香港人支持納粹。因此，聆聽外國聲音後，我地嘗試以「自由對抗極權」號召928-929全球行動。

話雖如此，我地始終唔係，亦唔想成為大台。假如有手足堅持使用赤納粹字眼，我地雖然不認同，但會尊重、不割席，只求大家三思而後行。事關國際遊說工作同輿論，可以一子錯，滿盤皆落索。

最後，大家無需要妄自菲薄、迷失、氣餒。

100年前，孫中山前無互聯網、無飛機，依然成功組織全球網絡，連結本土國際力量，對抗暴政。100年後，我地擁有多好多倍資源、科技、工具，所以只要槍口繼續一致對外，我地實在比孫中山等先烈有更大潛力、本錢，以小勝大。

抱歉，依份唔係一篇正規新聞稿，因為每次公開發言我都係以遺書心態去寫。只有眼前路，沒有身後身。
香港人，928、929全球見。
光復香港，時代革命，寧化飛灰，不作浮塵。
Stand With Hong Kong. Fight For Freedom.
//

民間記者會連登Account & Post:
https://lih.kg/1592222