懶人包：共產黨喺政治上唔會對香港人讓步，基本成個香港政府都會保住，而香港警察將會成為今次運動最大犧牲品，公安全面進場，變相加強對香港箝制。
正文：
先講下對家各個團體嘅行動反映到嘅野。
媒體：最大紅媒東方日報，最近幾日不停狙擊黑警，好多人都覺得因為之前黑警搞尻東方記者，所以方丈小氣要還拖。但我想講，一個大集團嘅政治行動永遠係睇重利益，唔會係因為「唔忿氣」呢啲咁有娛樂性嘅理由。東方日報作為對廢老藍絲最有影響力嘅報章，你認為佢有冇考慮過自己狙擊黑警嘅行動，會引致好多原本撐警嘅藍絲廢老唔再撐警？你認為一份咁撚紅嘅報章，本身同共產黨有冇聯繫？你認為東方呢啲咁唔講職業操守嘅媒體，會唔會為咗一個員工嘅小事，而要連續狙擊黑警？好明顯，而家共產黨咁做，一方面想為抗爭者帶嚟娛樂，另一方面就係想製造假象比成個社會(包埋藍絲)，社會運動出現嘅徵結係黑警濫權，而唔係政府腐壞。
共產黨：最近流傳嘅秘密派武警落香港增援，以及大灣區警察計劃，明顯就係為咗取締黑警鋪嘅路。呢兩個月嚟，其實大家都清楚我地同黑警嘅武裝力量相當懸殊，而佢地用嘅武力亦不斷升級，根本唔會存在應付唔到示威者嘅情況。但如果情況係，黑警即將成為呢場運動嘅犧牲品，咁共產黨做緊嘅野就可以一石二鳥，一方面可以維穩香港，另一方面可以加強公安滲透香港，鞏固大灣區計劃。
政界小丑何君堯：今日喺FB發功，甚至對女網友公然講「你自慰啦」。跟東方日報果PART同樣道理，一個政界公眾人物係會清楚自己講嘅野係有幾大影響力，大家千其唔可以當佢地傻當佢地笑料。喺今日何君堯突然發癲，同上述團隊嘅行為相當配合，合理推斷係受指使要將大家嘅焦點放喺鄉黑身上，為日後清算黑警鋪路。因為何君堯嘅垃圾言論，大家對鄉黑警仇恨可以加劇，當大家將所有怒火放哂喺佢地身上，而將來黑警黑社會受到清算嘅話，好多人連日嚟嘅憤怒就會得到釋放，再冇團火放喺抗爭身上，滿足於屆時成果。
【整合】
大家試下代入對家角度，其實佢如果唔想滿足「五大訴求」，但想呢場運動完其實只有三個方向：
1) 出現大台騎劫活動。
2) 拘捕所有抗爭主力。
3) 令抗爭者自己收手。
今次嘅活動一直以嚟都冇大台，大家都好清楚要為咗捍衛香港而出嚟，自覺一日未滿足到「五大訴求」，都會繼續抗爭，而對家都好清楚我地嘅諗法，但矛盾之處在於，佢唔會滿足「五大訴求」，但想中短期內拘捕所有抗爭主力等運動終結亦好有難度，因此只可以作出階段性讓步。
諗番東方日報嘅行動，一方面為廣大抗爭者提供笑料，一方面為等藍絲都唔再撐警；一直以嚟嘅鄉黑問題，加上何君堯最近嘅言論令大家又想恥笑佢又好嬲，其實就係要牽動大家嘅情緒。參考社會心理學，人會對越影響情緒嘅事有越深刻嘅記憶。而家對家嘅行動，明顯就係想牽動我地對於黑警嘅情緒，等我地將所有精力投放落去。即使推斷共產黨之後想藉清算黑警嚟瓦解抗爭亦相當合理，因為：
1) 大家已經或多或少將抗爭首要目標放喺黑警身上。因此，清算黑警 –> 大家收貨，散水。
2) 政府行動已經開始淡出抗爭焦點，喺外國嘅角度，而家香港嘅抗爭已經唔係反送中，而係人民對抗濫權執法人員。因此，清算黑警 –> 外國難以再以人道立場介入香港問題。
3) 配合流傳緊嘅武警支援及大灣區警察計劃，清算黑警對共產黨嚟講其實唔係讓步，反而仲係以退為進。因此，清算黑警 –> 公安全面進場，加強對香港箝制。
因此，我唔係想話叫大家唔好中計唔好屌黑警，係想大家花少少時間諗下自己由六月九號開始點解要出嚟，諗下點解五大訴求缺一不可。有句話我覺得好啱，「頭腦要冷靜，心要熱」，我地唔可以比情緒領導我地嘅理智，時刻保持獨立思考。可能你會覺得我上面講嘅野都係廢話，過份推論，但撫心自問，而家我地呢場抗爭係咪開始出現失焦嘅情況？我地集中番「五大訴求」，無論點樣都唔會係錯。黑警係要屌，但同時我地做文宣嘅時候唔可以忘記幕後黑手——政府，將呢個抗爭重回政治身上。多謝你睇到最後，各位手足要記住我地最後嘅目標——
光復香港，
時代革命。
- 分享自 LIHKG 討論區 https://lih.kg/1438170
人民日报称香港是一场生死战，退无可退无需退。其實它說反了，香港没有共产党时活得好好的。獨裁实现承诺“一国两制”难道就是退吗？倒是港人的斗争有关生死，到了退无可退也无需再退的地步，一退香港就成为内地的一個縣城，一退就任中共宰割奴役，一退就有成千上萬的年輕人像在內地一樣失蹤，一退香港也會像內地一樣以言論罪，一退香港人就會吃毒食品了，一退香港的企業社區都設置黨支部了，一退香港的書記們富可敵國了。一退香港也黨大於法了，一退香港永無安寧！因此香港人用命在拼，用命在吶喊，讓世界各國人民知道香港正在發生的事。加油香港，後面有世界各國人民政府的支持！
https://m.facebook.com/story.php?story_fbid=3385978981427821&id=100000472573153
大灣區智慧警務合作的推動與發展芻議(16-22頁)
https://autumnson-nwo.blogspot.com/2019/08/16-22.html
沒有留言:
發佈留言