一場飯民左膠策劃嘅分化浪潮即將湧來，隨時可以一嘢搞散成個運動，大家睇路！
//各位朋友：
鑒於目前香港局勢日益惡化，全港市民都很關注如何化解危機。我們將在8月6日舉辦交流會，盼各界朋友能聚首一堂，研討形勢，共同尋找今後的路向，包括如何敦促政府成立獨立調查委員會。
除了局勢的分析和對策的研究外，我們也希望建立「逃犯條例修訂風波資料中心」，收集各項資料，包括文字、視頻、照片、目擊證人證詞等。我們將根據各方收集到的資料進行比對認證，確保資料的準確性。在準確資料的基礎上撰寫分析報告，盡量還原事件真相，及列出存疑的問題。
要求政府成立獨立調查委員會已是香港社會各界的共識。我們亦希望與各界朋友商討，倘若政府繼續漠視民意，堅持不成立獨立調查委員會，民間可有何對策，例如作民間獨立調查是否可行。
我們誠邀您參加是次交流會：
日期：2019年8月6日(星期二)
時間：下午2：00 - 4：30 (2:00登記入座, 2：15正式開始)
地點：灣仔軒尼詩道15號溫莎公爵社會服務大廈103室
演講嘉賓：蕭若元、劉細良
發起人：吳靄儀、張達明、袁天佑、方敏生、鍾劍華、程翔//
https://m.facebook.com/story.php?story_fbid=2333049676790892&id=250391165056764
當日抹黑梁天琦被共產黨利用；到今日你連佢唯一剩下的一句「光復香港時代革命」都要剝奪？
Aug 6, 2019對於身邊好多離地中產當劉細良係神我並唔意外，因為劉細良果種主張參與不公平選舉遊戲，嘗試從建制內改革，並堅持以和理非作為對抗政府手段，即使毫無作用亦拒絕將行動升級，一切以既得利益階層繼續搵食為先，理撚得你班年青人仆街，其實就係呢班人嘅共同價值觀。
但對於連登仔、甚至勇武派部份人士瘋狂吹捧呢位時事評論員，我卻係極其意外。明明呢位前中策組成員，當日就話勇武派係比共產黨利用，係搞散民主派嘅鬼，今時今日唔敢學蕭若元同勇武派割席，只係由於群情洶湧計過唔著數，所以先鬼鬼祟祟轉軚，而完全無學吳志森咁黎一個認真懺悔。
好多人話佢分析好客觀、「唔Agree都要聽下唔同光譜嘅聲音」──當一個時事評論員由個運動一開始就已經批評勇武衝擊係毫無作用，多番否定勇武響運動中嘅地位，兩個月黎一直都鍥而不捨叫人唔好再衝擊，然後你同我講客觀？至於唔Agree都要聽下唔同光譜聲音更加可笑，而家就係聽完覺得好有問題先拎出黎Challenge囉！
本來Medium就有好多劉細良Fans、非必要我都真係廢事拎出黎批評倒自己米，但問題係佢今次嘅講法真係非常過份：佢竟然話因為林鄭同港澳辦經已拎「光復香港，時代革命」作為港獨反中央嘅藉口，為免再落中共口實破壞運動，年輕人應該放棄呢句口號：
我聽完嘅即時反應係：究竟你班飯民老屎忽，仲要相信「唔好激嬲共產黨」呢套策略去到幾時？當日青政梁游因為一句「Fucking Chi na」被DQ，成班黃屍就瘋湧而出話佢抵撚死；最後點？唔單止跟住接連4個完全無侮辱中共嘅立法會議員都被DQ埋，仲要連帶下屆朱凱迪都隨時無得選！
今日你停嗌一句口號，然後就會覺得共產黨皇恩浩蕩會放過你，天唔天真啲？
好多網友真係講得好好：今日為咗唔想比人屈港獨，就放棄一句完全無關嘅口號，咁聽日佢話叫「結束一黨專政」等如搞港獨，你係咪又走去放棄？後日話支持雙普選等如搞港獨呢？
究竟「光復香港」係點黎？就係當日本土派為咗要奪回被自由行、水貨客攻陷嘅香港而黎；「時代革命」呢，就係要將年青人重新從雨傘失敗之後嘅無力感之中號召番黎，要向舊時代嘅老舊政治框架告別。我好感謝梁天琦選擇咗用「時代革命」而唔係「世代革命」作為口號嘅最終定案，令我呢個廢老都有幸響呢個革命之中佔有一小個位置，以至每次當有人高叫呢句口號時，內心都有一股感動。
然後你劉細良輕輕一句：「唔好激嬲共產黨」，就想將對一整個世代人有特別意義嘅口號抹殺，其實講到尾就只不過因為你對呢句口號完全無感，覺得掃埋入垃圾桶都無所謂之嘛。更甚者，光復香港就係劉細良當日瘋狂抹黑嘅運動，時代革命就係包埋革了老飯民的命，作為飯民大台嘅國師級人民黎講，點可能唔想盡方法去阻止呢兩句嘢成為運動主調？
但個問題卻係當年你劉細良經已將本土派嘅最後希望梁天琦同本民前盡情抹黑；而家你連梁天琦帶比年青人嘅最後遺產、好重要嘅一句「光復香港，時代革命」口號都要剝奪埋？你究竟仲有無人性？
跟住收倒風，原來8月6日中午，以蕭若元同劉細良為首，邀請咗包括吳靄儀、張達明、袁天佑、方敏生、鍾劍華、程翔等一眾飯民大台代表人物召開緊急會議，會中決定以「逃犯條例修訂風波資料中心」為名重建大台，並將於往後全力進行「反勇武」宣傳戰，甚至不惜撕裂、分化，都要和理非大台重新奪回整場抗爭運動嘅話語權。
當然一場運動就唔係咁容易比呢班舊電池騎劫，但飯民大台勝在有無窮嘅人力物力同傳媒陣地，比佢地駛橫手搞一搞，五癆七傷卻係難以避免。呢個局我真係唔識點拆，但可以肯定嘅卻係，無人可以從我手中奪走「光復香港、時代革命」呢句口號，我一定會死守到底。
https://medium.com/@henryporterbabe/%E7%95%B6%E6%97%A5%E6%8A%B9%E9%BB%91%E6%A2%81%E5%A4%A9%E7%90%A6%E8%A2%AB%E5%85%B1%E7%94%A2%E9%BB%A8%E5%88%A9%E7%94%A8-%E5%88%B0%E4%BB%8A%E6%97%A5%E4%BD%A0%E9%80%A3%E4%BD%A2%E5%94%AF%E4%B8%80%E5%89%A9%E4%B8%8B%E7%9A%84%E4%B8%80%E5%8F%A5-%E5%85%89%E5%BE%A9%E9%A6%99%E6%B8%AF%E6%99%82%E4%BB%A3%E9%9D%A9%E5%91%BD-%E9%83%BD%E8%A6%81%E5%89%9D%E5%A5%AA-ee91483feb53
沒有留言:
發佈留言