轉貼: 震撼教育
有個識左好耐既上海 frd
上星期黎左香港出差一個月
我地成日討論反送中
佢唔係五毛
意見同淺藍差唔多
成日話 d 後生太衝動不顧後果
暴力就唔岩係暴徒
係受人教唆先會咁激進
仲話佢聽到好多係會襲擊大陸人
我今日約左佢去金鐘集會
話佢可以近距離觀察下 d 後生示威者係咪真係好似佢咁講既暴徒
我地兩點幾係中環買左箱保擴力
三點半去到金鐘地鐵站
一上大堂已經勁多黑衫手足
一出閘已經見到有兩個大陸大媽同 d 手足鬧交
不外乎都係鬧攪亂社會
d 手足就叫佢返大陸食屎
我 frd 見到就同我講話你地真係好針對大陸人
我就話明明你地上海人最憎呢 d 無理取鬧大媽
點解而家佢地鬧 d 後生又覺得冇所謂
佢冇出聲
一上海富已經好似戰地現場咁
氣氛好緊張
我地冇著黑衫
連口罩都冇
我地放低箱保擴力係物資站就有個後生女上黎派口罩比我地
我朋友講普通話話佢唔會去前線唔需要口罩
個女仔用普通話堅持一定要比口罩佢
話 d 警察已經出左 tg
一定要我地好好保護自己
結果我地拎左兩個 3m
跟住又有個後生仔係物資箱拎左頭盔同眼罩比我地
今次我真係堅決話唔要
我話我地只會係後排
留返比有需要既手足
個後生就叫我地一定要小心安全
我 frd 問我呢 d gear 都係免費派發？
我話係
佢問咁 d 野邊個買
我話就係一般市民買然後送黎物資站
好似我買保擴力黎一樣
佢話咁即係鼓勵 d 後生衝擊
我話你試下用任何方法去鼓勵下叫 d 後生唔好衝
照常理勸人唔衝一定容易過勸人衝
衝既又要食 tg 又要比人打又要驚坐監
如果 d 後生係因為現場有免費物資派所以去衝
咁佢應該好容易叫到人唔衝
佢冇出聲
我地係海富企左大半個鐘
其間見到好多次有人叫"要水"
即刻有其他人送上水
有人叫"要直遮"又即刻有好多人送上遮
有人大叫要"first aid"
即刻有班貼左十字既後生衝埋去幫手
我 frd 問我佢地識唔識大家
我話大部分人都係互不相識
大概四點幾班狗又射左好多 tg
有一大班手足湧返黎海富
有個 full gear 女仔坐左係我地隔離休息
廿歲都可能冇
佢成塊面紅晒眼又不停流眼水
明顯岩岩食完 tg
佢一坐低好多經過既手足又遞鹽水又遞濕紙巾
個女仔全部話唔洗話留比有需要手足
佢話佢自己用水沖下 ok
佢坐左十分鐘到又上 gear 諗住出去衝
我 frd 忍唔住叫佢唔好再去
個女仔聽到我 frd 講普通話呆左呆
然後就用普通話講佢一定要去
因為仲有好多人係出面頂住
然後仲叫我地冇 gear 唔好出去
話出面危險
我個 frd 聽完喊左出黎
臨走我地落地鐵
見到有對講普通話既夫婦推住架bb 車
聽口音非常北京腔
男既隻腳傷左行動不便
女既諗住自己抬架bb 車落樓梯
有幾個黑衫後生即刻走埋去幫手抬架 bb 車落去
果對夫婦就係咁多謝班後生
仲叫班後生小心
我個frd 最後同我講今日真係震撼教育
佢未接受到佢係微博見果 d 暴力衝擊畫面
但佢會花時間去 d 外國新聞網了解多 d
同埋唔會再叫班後生做暴徒
https://www.facebook.com/groups/2470630179821344/permalink/2491413057743056/
沒有留言:
發佈留言