搜尋此網誌

2010年4月28日星期三

商台賣周末時段給民建聯 電台職員強烈不滿

商台賣周末時段給民建聯
政黨開咪做主 電台職員強烈不滿
2010年04月28日 民建聯成員(左起)鄭泳舜、張國鈞、葛珮帆、陳曼琪及陳恒鑌將擔任商台客席主持,並一起構思節目內容。

【本報訊】繼出賣四小時廣播時段給高官推銷政策,商業電台再次見錢開眼,變本加厲把未來四個月合共 72小時賣予民建聯,商台承認是首次與政黨合作,但不願意透露金額,暫未決定會否用「民建聯特約」等字眼。有立法會議員擔心大氣電波淪為有錢政黨的宣傳渠道,有網民則聲言狙擊該節目。

余宜發:有贊助係開心事
商台昨日宣佈,本周六起連續 18個星期六凌晨 2時至 6時在商業一台及二台聯播《十八仝人愛落區》節目,該節目由民建聯贊助,取代《一切從音樂開始》,五名民建聯成員鄭泳舜、張國鈞、葛珮帆、陳曼琪及陳恒鑌將擔任客席主持,並聯同商台主持到訪 18區夜蒲點探訪夜青。
葛珮帆指,民建聯從事地區工作,一直關心青少年問題,希望藉節目接觸更多青年,宣傳該黨「愛自己.愛生命.愛地球」的精神;《十八仝人愛落區》主持人余宜發表示, 4月 30日先到訪沙田區,了解都巿人夜生活,「同民建聯一齊落區,同啲食消夜嘅人傾吓偈呀咁,都會播歌同埋設留言版。」
余宜發表示不擔心被政黨利用作宣傳,亦不怕被巿民狙擊,「我哋都係軟性啲,出發點都係想接觸多啲巿民,唔會特別強調個政黨,第一日公司同我講,我反而開心㖭,一個通宵節目都有人贊助係開心事。」他表示暫時未知會否在節目提及「民建聯特約」等字眼。
有商台中人對安排表示強烈不滿,「咁樣做同嗰啲植入式廣告其實冇分別,如果佢打正旗號話係廣告反而無所謂,當係節目咁出就有問題。」商台見錢開眼早有前科,今年 2月,市區重建局以 16萬元購買商台四個周末時段,讓發展局局長林鄭月娥「開咪」宣傳政策,已引起電台中人不滿。

李永達:去到選舉要小心
商台發言人則表示,一直有與商業機構合作製作節目,與政黨合作是首次,收到的金額不能透露;電台希望各方理性發表意見,會密切留意大眾的想法。
立法會資訊科技及廣播事務委員會副主席、民主黨李永達認為電台應一視同仁,「最緊要係公道,對民主黨、自由黨都一樣,不過去到選舉就要小心啲。」另一委員、公民黨湯家驊相信,商台沒有違反廣播守則,「問題係唔係個個政黨都有資源去宣傳,可能只係得建制派先有咁多錢,希望商台唔好偏埋一方。」
廣播事務管理局發言人昨表示,所有聲音持牌機構須遵守有關法例、牌照條款及相關業務守則,若有違規,廣管局會作出調查。
http://hk.apple.nextmedia.com/template/apple/art_main.php?iss_id=20100428&sec_id=4104&subsec_id=12731&art_id=13974257

維園阿哥號召網友狙擊商台
2010年04月28日
維園阿哥任亮憲昨在網上發起狙擊商台節目《十八仝人愛落區》。

【本報訊】戰線由港台拉到商台,時間由中午延至凌晨,「維園阿哥」任亮憲對商台出賣廣播時段非常不滿,昨日號召網民狙擊《十八仝人愛落區》,「俾人明目張膽用錢收買輿論,香港有史以嚟都未試過,大氣電波係公共資源,電台要有道德責任。」至昨晚深夜,網絡上更有人發起罷聽商台行動。

「唔可以搵擁躉做媒」
以「馬草泥」為網名的任亮憲,狠批商台為五斗米折腰,不可接受,「人哋今次買四個鐘啫,下次買廿四個鐘,咪成個商台變咗民建聯頻道?咁窮人唔使參與政治 o架啦,商台仲有乜嘢公信力呀?」他將發動「貓頭鷹計劃」,如影隨形狙擊商台團隊,「佢哋話探夜青吖嘛,我哋咁多年輕人,冇理由歧視我哋啲年輕人 o架,如果我哋兩點、三點仲流連街頭佢係咪唔理我哋吖?佢去邊我哋跟到佢哋去邊,令佢哋避無可避,唔可以搵啲擁躉做媒。」
該節目不設烽煙環節,但有網上留言版,任亮憲直言會「炸佢版」,「佢出一招我哋就出一招,打消耗戰,等佢知道我哋高度關注。」該節目其中一名主持「泰山」與任亮憲同是拔萃舊生,他計劃屆時聯絡對方接信,反映意見。
有份擔任主持的民建聯沙田區議員葛珮帆指節目是出於善意,「如果咁都騷擾我哋,我會覺得好失望啦,我唔知佢哋會做啲乜,不過我就唔會話驚咗所以唔做。」
http://hk.apple.nextmedia.com/template/apple/art_main.php?iss_id=20100428&sec_id=4104&subsec_id=12731&art_id=13974258

名嘴潘小濤哭商台對不起林彬

4 則留言:

匿名 說...

其實我個人覺得...阿爺開始對香港做緊d野,但係唔知會係d咩,阿爺呢十年一直係咁睇住,等到時機一到就開始動手
(純粹個人意見)

Autumnson 說...

美國網站成日有人讚阿爺最識對拆新世界秩序班友,出招有道.....
所以一定睇得住香港,唯一問題是香港識少少卻又自以為是的傻仔太多,易受人利用.....
多謝留言.....也不是師兄的個人睇法了,此blog很多網友都有類似睇法。

匿名 說...

秋兄此言有理,我身邊的一名朋友自以為好醒但係佢只不過個煩膠
我覺得阿爺唔會親自咁出馬,可能搵D代表(例如親中派別政黨)開始做野,也許香港會變成一個暗地裡既戰場,所以,5月16號一定有好戲睇...

Autumnson 說...

師兄乃聰明人也!
早前谷X事件在小弟眼中乃一場資訊戰爭,阿爺不容退半步,低頭則會像全世界其它國家(除邪惡軸心國)般淪陷在錫安主義者手中,不用核武器,只透過資訊自由全力向下一代灌輸New Age思想,夾雜大是與大非,模楜他們的慨念以致是非黑白分不來,猶如CCTVB、生果報和上述電台等傳媒(而另一批則轉軚轉過頭)對香港年青人的洗腦,遲早會不戰而勝。
谷X退半又退不哂,必有所圖;退來香港又必有所冀,師兄所說,就算不中也不會遠矣!